Niahledziačy na toje, što na praciahu dnia hrašovaja tema ŭźnimałasia nie raz, Alaksandr Łukašenka i Uładzimir Pucin u sumiesnaj zajavie nie skazali ni słova pra kredyt Biełarusi.
Sustreča Łukašenki i Pucina pierad pasiadžeńniem Vyšejšaha dziaržsavieta była karotkaj, abodva vyjšli ŭ dobrym nastroi. Zdavałasia b, usio idzie da taho, što baki abvieściać ab finansavaj padtrymcy Biełarusi. Pra hatoŭnaść Rasii dapamahčy, nahadajem, zajaviŭ Łukašenka, viarnuŭšysia z adpačynku ŭ Sočy.
Padčas pasiadžeńnia Vyšejšaha dziaržsavieta krainy zaćvierdzili prahramu ŭzhodnienych dziejańniaŭ u halinie źniešniaj palityki na nastupnyja dva hady.
Pasiadžeńnie Vyšejšaha dziaržsavieta doŭžyłasia kala hadziny, mienš, čym sustreča prezidentaŭ u vuzkim składzie. Na sumiesnuju zajavu pryjšli ŭsie vysokija čynoŭniki, jakija sabralisia ŭ Pałacy Niezaležnaści.
— Pra kredyt damovilisia? — pierš za ŭsio pytalisia ŭ ich žurnalisty.
— Zaraz sami ŭsio pačujecie.
Adnak Alaksandr Łukašenka i Uładzimir Pucin abmiežavalisia aficyjnymi zajavami pra toje, što «abmierkavali ŭvieś kompleks pytańniaŭ, jakija nosiać stratehičny, praŭdziva-sajuźnicki charaktar». Pra finansavuju padtrymku nie było skazana ni słova.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary