Нягледзячы на тое, што на працягу дня грашовая тэма ўзнімалася не раз, Аляксандр Лукашэнка і Уладзімір Пуцін у сумеснай заяве не сказалі ні слова пра крэдыт Беларусі.
Сустрэча Лукашэнкі і Пуціна перад пасяджэннем Вышэйшага дзяржсавета была кароткай, абодва выйшлі ў добрым настроі. Здавалася б, усё ідзе да таго, што бакі абвесцяць аб фінансавай падтрымцы Беларусі. Пра гатоўнасць Расіі дапамагчы, нагадаем, заявіў Лукашэнка, вярнуўшыся з адпачынку ў Сочы.
Падчас пасяджэння Вышэйшага дзяржсавета краіны зацвердзілі праграму ўзгодненых дзеянняў у галіне знешняй палітыкі на наступныя два гады.
Пасяджэнне Вышэйшага дзяржсавета доўжылася каля гадзіны, менш, чым сустрэча прэзідэнтаў у вузкім складзе. На сумесную заяву прыйшлі ўсе высокія чыноўнікі, якія сабраліся ў Палацы Незалежнасці.
— Пра крэдыт дамовіліся? — перш за ўсё пыталіся ў іх журналісты.
— Зараз самі ўсё пачуеце.
Аднак Аляксандр Лукашэнка і Уладзімір Пуцін абмежаваліся афіцыйнымі заявамі пра тое, што «абмеркавалі ўвесь комплекс пытанняў, якія носяць стратэгічны, праўдзіва-саюзніцкі характар». Пра фінансавую падтрымку не было сказана ні слова.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі1
Каментары