Ihumien słonimskaha manastyra admoviŭsia paminać Patryjarcha praz sustreču na Kubie
Nastajaciel Śviata-Zosima-Savaćjeŭskaha Vialika-Krakockaha mužčynskaha pravasłaŭnaha manastyra ŭ vioscy Vialikaja Krakotka Słonimskaha rajona błahačynny ihumien Amvrosij źviarnuŭsia ź listom da archijepiskapa Navahrudskaha i Słonimskaha Huryja ŭ suviazi z sustrečaj 12 lutaha na Kubie Papy Rymskaha Franciška i Patryjarcha Maskoŭskaha Kiryła.
Padpisanyja na Kubie dekłaracyi jon abviaściŭ «usienarodnaj propaviedździu jerasi ekumenizmu ŭ duchu Bałamandskaj Unii». «Tamu vymušany vykazać pratest z metaj najchutčejšaha sabornaha razhladu hetaha pytańnia. Formaj pratestu budzie admova ŭ paminańni imia Patryjarcha na nabaženstvach na padstavie 15 Praviła Kanstancinopalskaha dvuchrazovaha Saboru, zasnavanaha na 31 Apostalskim Pravile, što nie źjaŭlajecca vychadam za miežy Carkvy», — adznačyŭ ihumien, paabiacaŭšy usich prapaviednikaŭ ekumienizmu paminać kielejna.
Jon taksama zaklikaŭ archijepiskapa Huryja vystupić u abaronu «adzinstva Carkvy ad zhryzoty zhubnaj jerasi ekumenizmu».
Razam z tym, pavodle najaŭnaj infarmacyi, list padtrymki ŭ ijerarcha nie znajšoŭ i za admovu ad paminańnia imia Patryjarcha ihumiena Amvrosija zabaranili ŭ słužeńni.
Charakterna, što sam archijepiskap Huryj sam nieadnarazova vystupaŭ z krytykaj katalictva i, pierš za ŭsio, unijactva.
Kamientary