Hramadzianinu Rasijskaj Fiederacyi Uładzisłavu Kandałavu, jakoha na dniach zatrymali vajskoŭcy i pradstaŭniki Słužby biaśpieki Ukrainy ŭ Łuhanskaj vobłaści, pahražaje źniavoleńnie da 15 hadoŭ.
Pra heta paviedamiŭ kiraŭnik aparata kiraŭnika SBU Alaksandr Tkačuk na bryfinhu ŭ sieradu ŭ Kijevie, pieradaje «Interfaks-Ukraina».
«Jamu abvieščana padazreńnie ab ździajśnieńni złačynstva, praduhledžanaha artykułam 258-3 — heta ŭdzieł u terarystyčnaj abo stvareńnie terarystyčnaj arhanizacyi, a taksama 263 Kryminalnaha kodeksu — heta niezakonnaje abychodžańnie sa zbrojaj», — skazaŭ Tkačuk.
Jon adznačyŭ, što pa chodzie śledstva nie vyklučana, što dziejańni Kandałava buduć kvalifikavacca, mahčyma, i pa inšych artykułach, u zaležnaści ad taho, jakuju dokaznuju bazu źbiaruć śledčyja.
«Kali nie pamylajusia, to praduhledžana da 15 hadoŭ źniavoleńnia za hetyja złačynstvy», — adznačyŭ Tkačuk.
Pradstaŭnik SBU taksama raspavioŭ, što Kandałaŭ u kastryčniku 2014 hoda atrymaŭ pašpart i čystyja dakumienty ŭ abmien na toje, što budzie «znachodzicca na terytoryi Ukrainy i vajavać za tak zvanuju «ŁNR» i niezakonna trapiŭ va Ukrainu ŭ siaredzinie kastryčnika 2014 hoda.
Pa słovach Tkačuka, Kandałaŭ sukupna 16 hadoŭ znachodziŭsia ŭ źniavoleńni.
Aznačanaja asoba była zatrymanaja rabotnikami SBU i vajskoŭcami z 92 motastrałkovaj bryhady ŭ rajonie horada Ščaście Łuhanskaj vobłaści, pry sabie hramadzianin RF mieŭ aŭtamat Kałašnikava z bojeprypasami.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary