Internet-rytejler «Jeŭraopt» paviedamiŭ ab zakryćci dvuch ź piaci raźmierkavalnych centraŭ kampanii — u Minsku i ŭ Hrodnie. Infarmacyju pra heta paćvierdziŭ dyrektar internet-kramy Dzianis Maroz.
«U vyniku zakryćcia raźmierkavalnych centraŭ u Hrodna pazbavilisia pracy bolš za 100 čałaviek, u Minsku — bolš za 500. Akramia taho, kampanija straciła srodki, inviestavanyja ŭ stvareńnie i abstalavańnie składoŭ: u Hrodnie straty skłali bolš za 1,1 młn dalaraŭ, a ŭ Minsku — 1, 2 młn dalaraŭ», — skazaŭ Maroz. Jon rastłumačyŭ, što ŭ suviazi z zakryćciom składoŭ zamović asartymient charčovych i pramysłovych tavaraŭ u Hrodna ciapier možna budzie tolki praz servis «Hipiermoł», ale dastaŭka budzie ažyćciaŭlacca ź Minska tolki pa sistemie «siońnia na zaŭtra» abo «siońnia na paślazaŭtra».
Pavodle jaho słoŭ, internet-handal praduktami charčavańnia ŭ našaj krainie pracuje nie tolki biez prefierencyj, jak u mnohich inšych krainach, dzie razumiejuć nieabchodnaść raźvićcia anłajn-handlu, ale i ź istotnymi abmiežavańniami, jakija pieraškadžajuć raźvićciu hetaha vidu handlu.
«Biznes nie moža biaskonca doŭha inviestavać u stratnuju dziejnaść i ažyćciaŭlać sacyjalny prajekt bieź nieabchodnaj padtrymki i razumieńnia. Tamu my vymušanyja začyniać raźmierkavalnyja centry i skaračać ludziej», — zajaviŭ Maroz.
Na dumku kiraŭnika internet-hipiermarkieta, pakolki ŭsie susiednija krainy, u tym liku i Rasija, nie majuć abmiežavańniaŭ u śfiery anłajn-handlu, rana ci pozna dziaržaŭnyja orhany vymušanyja buduć pierahledzieć zakanadaŭčyja abmiežavańni ŭ hetaj śfiery, ale, chutčej za ŭsio, raźvivać hety vid handlu u našaj krainie buduć ŭžo nie nacyjanalnyja, a rasijskija apieratary.
«Anłajn-handal našaj krainy budzie manapalizavany značna bolš bujnymi rasijskimi apieratarami, pry hetym adrehulavać asartymient u ramkach Adzinaj ekanamičnaj prastory ŭ nacyjanalnych orhanaŭ užo nie atrymajecca — biełarusy buduć vymušanyja kuplać toje, što prapanujuć im pradaŭcy z Rasii. Heta ŭ asnoŭnym budzie ci rasijskaja, ci impartnaja pradukcyja, što niehatyŭna adabjecca jak na śfiery handlu, tak i na vytvorčych pradpryjemstvach Biełarusi», — reziumavaŭ Dzianis Maroz.
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary