U Rasii na Maślenicu spalili knihi Hienry Milera.
Hrupa maładych ludziej u Krasnadary (RF) spaliła knihi amierykanskaha piśmieńnika Hienry Milera, aŭtara skandalnych ramanaŭ «Tropik Raka», «Čornaja viasna» i «Sieksus», u noč na 14 sakavika.
Pryčym vykanaŭcy sami paraździavalisia da pojasa i ŭ takim vyhladzie vadzili vakoł vohnišča karahody.
U pres-relizie, jaki arhanizatary raspaŭsiudzili paśla praviadzieńnia akcyi, jany tłumačać, što spalvańnie knih Milera było pratestam suprać amaralnych zachodnich kaštoŭnaściaŭ.
«Zamiest spalvańnia pudziła ruskaj žančyny-zimy słavianie pavinny palić skryžali Sadomu. Tvory Hienry Milera - archietyp hniłoha zachodniaha śvietu ź jaho panavańniem raspusty i zaniapadam siamiejnych kaštoŭnaściaŭ. Ruski śviet adznačaje śviata viasny, ale ci treba nam krasavańnie viasiołkavaj Jeŭropy ź jaje hienitalnymi padśniežnikami i raśpiatymi na kryžy ružami? Lepš jadziernaja zima, čym čornaja viasna», - adznačajecca ŭ paviedamleńni.
Arhanizatary akcyi śćviardžajuć, što spalenyja knihi byli kanfiskavanyja z fondaŭ biblijatek Krasnadara. Jany adznačyli, što tvoraŭ Hienry Milera tam apynułasia niamnoha, što «śviedčyć ab maralnym zdaroŭi i hramadskaj śviadomaści horada».
Hienry Miler - amierykanski piśmieńnik i mastak. Jon źjaŭlajecca aŭtaram skandalnych dla svajho času intelektualna-eratyčnych ramanaŭ pra śviet paśla Pieršaj suśvietnaj i pra los piśmieńnika ŭ hetym śviecie.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary