Urazili naviny z Varvašeni pra mahčymaje vyklučeńnie z partyi aktyvista Hubareviča za kantakty z palityzavanymi NGO (čytaj — ruch “Za Svabodu”). Voś budzie prykolna, kali lideram frantavikoŭ spadabajecca praces čystki partyi. Novy feljeton z błohu Lolika Uškina.
Urazili naviny z Varvašeni pra mahčymaje vyklučeńnie z partyi aktyvista Hubareviča za kantakty z palityzavanymi NGO (čytaj — ruch “Za Svabodu”). Voś budzie prykolna, kali lideram frantavikoŭ spadabajecca praces čystki partyi. Novy feljeton z błohu Lolika Uškina.
Ofis partyi BNCH. Kiraŭnictva: sp. B-ka i V-ki.
Sp.B-ka: Takim čynam, na razhlad kiraŭnictva vynosicca rezalucyja pra vyklučeńnie z partyi BNCH sp.Ivackieviča za anarcha-hubarevičaŭski ŭchił. Chto za?
Sp.B-ka i V-ki ŭzdymajuć ruki.
Sp.B-ka: Adzinahałosna.
Sp.V-ki: Nu voś! Narešcie my ačyścili partyjnyja šerahi ad unutranych vorahaŭ — usich palityzavanych NGOšnikaŭ. Siabrami BNCH zastalisia tolki vy, kaleha, i ja. Ciapier, narešcie, my zmožam zaniacca sapraŭdnaj efektyŭnaj baraćboj suprać despatyčnaha režymu.
Sp.B-ka: Daŭno ŭžo para, kaleha. Jakija idei?
Maŭčańnie.
Sp.V-ki: A moža jašče siarod nas zastalisia niekatoryja prychilniki hubarevičaŭskaha revizijanizmu, nu choć by hubarevičaŭskija sacyjał-refarmisty.
Sp.B-ka (ažyŭlajučysia): Nie vyklučaju, kaleha. Nie vyklučaju. Što Vy, darečy, rabili 19 sakavika 2006 hodu?
Sp.V-ki: Zdajecca, byŭ na Kastryčnickaj.
Sp.B-ka: Inšymi słovami, udzielničali ŭ mitynhu lidera palityzavanych NGOšnikaŭ. Dyk heta ž charakterny vypadak apartunizmu i frakcyjanizmu. Ja detalova apisaŭ jaho ŭ svaich kapitalnych brašurach «Chto vinavaty — Hubarevič» i «Što rabić z Hubarevičam».
Sp.V-ki: A što vy rabili ŭ toj samy viečar?
Sp.B-ka: Byŭ na Kastryčnickaj.
Sp.V-ki: Papaŭsia, revizijanist! Heta ž typovaja zdrada spravie partyi. Ja akcentavaŭ uvahu na hetym momancie ŭ svajoj fundamentalnaj pracy «Dziciačaja chvaroba Hubareviča ŭ kanservatyźmie». Patrabuju vynieści na razhlad kiraŭnictva partyi rezalucyju ab vyklučeńni sp.B-ka.
Sp.B-ka: Ja ŭ svaju čarhu patrabuju vynieści na razhlad kiraŭnictva pytańnie pra vyklučeńnie sp.V-ki. Pahladzicie, čym jon zajmajecca. Adsiul adziny krok da hubarevičaŭskaha manarchisckaha ŭchiłu. Chto za? (uzdymaje ruku)
Sp.V-ki: Ja suprać! Vy abłamalisia: niama bolšaści. A chto za toje, kab sp.B-ka pakłaŭ bilet na stoł? Ja — za! Tak — Vy suprać. Takim čynam, znoŭ niama bolšaści. Viedajecie, ni chalery my nia prymiem taho rašeńnia. Zdajecca, treba kahości viarnuć u partyju, kab nas było jak minimum troch i była techničnaja mahčymaść bolšaści.
Sp.B-ka: Daviadziecca. A kaho? Moža, Maračkina?
Sp.V-ki: Vy što? Heta ž typovy adept kamunistyčnaha ŭchiłu. Jon tak i nie zakanspektavaŭ maju kapitalnuju raspracoŭku «Chto takija palityzavanyja NGOšniki i jak jany zmahajucca z nacyjanał-demakratami». A što kali Franak?
Sp.B-ka: Cha-cha-cha. Vy ž viedajecie, za što jamu dali vyśpiatka z BNCH. Jon dahetul nia zdaŭ zaliku z majoj fundamentalnaj pracy «Hubarevič jak najvyšejšaja stadyja Hubareviča».
Sp.V-ki: Blin, a bolej kandydatur ja i nia viedaju. Usie inšyja — kudy ni pluń — adzinyja antypartyjcy.
Sp.B-ka: Pačakajcie, zdajecca, ja viedaju fryka, jaki nia mieŭ kantaktaŭ z palityzavanymi NGOšnikami. (Nabiraje numar). Alo, vitaju! Heta ź siadziby. U mianie da vas cikavaja prapanova, Alaksandar Ryhoryč...
Kamientary