ES zaklikaŭ nieadkładna vypuścić ukrainskuju lotčycu Nadzieju Saŭčanka. Asnovaj dla takoha kroku pavinien stać punkt minskich pahadnieńniaŭ ab abmienie «usich zakładnikaŭ i niezakonna ŭtrymanych asob» u suviazi z ukrainskim kanfliktam.
Na nastupny dzień paśla taho, jak rasijski sud pryhavaryŭ ŭkrainskuju lotčycu i deputata Viarchoŭnaj rady Nadzieju Saŭčanka da 22 hadoŭ kałonii, Jeŭrasajuz vystupiŭ z asudžeńniem hetaha prysudu. Viarchoŭny pradstaŭnik ES pa źniešniaj palitycy Fiederyka Mahieryni ŭ svajoj zajavie padkreśliła, što Brusel niepakoicca za los nie tolki Saŭčanka, ale i inšych asudžanych u Rasii ukraincaŭ.
«My praciahvajem zaklikać rasijskija ŭłady nieadkładna i bieź jakich-niebudź umoŭ vypuścić Nadziu Saŭčanka pa humanitarnych pryčynach i ŭ adpaviednaści ź minskimi damovami, jakija śćviardžajuć nieabchodnaść vyzvaleńnia ŭsich zakładnikaŭ, zachoplenych padčas vajny va Ukrainie», — havorycca ŭ zajavie.
Akramia taho, viedamstva Mahieryni (EAAS) nahadvaje pra asudžanych u Rasii režysiora Aleha Siancova i aktyvista Alaksandra Kolčanku, zaklikajučy harantavać «ich biaśpiečnaje viartańnie va Ukrainu».
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary