Ułady Tajłanda zadumalisia pra toje, kab adpraŭlać kiroŭcaŭ, jakich złavili pjanymi za rulom, na pracu ŭ morh. Heta pavinna stać častkaj pakarańnia, jakoje pryznačajecca ŭ vyhladzie abaviazkovych hramadskich rabot.
Jak paviedamlaje Lenta.ru sa spasyłkaj na Mashable, ideja zaklučajecca ŭ tym, kab takija kiroŭcy ŭśviadomili, jakimi mohuć być nastupstvy kiravańnia aŭtamabilem u stanie apjanieńnia.
U ciapierašni čas parušalnikaŭ prymušajuć, naprykład, zajmacca rubkaj dreŭ abo ŭborkaj vulic. Niekatorych nakiroŭvajuć u balnicy dahladać za paciarpiełymi ŭ DTZ.
Pa słovach pradstaŭnika ŭładaŭ, kolkaść pjanych kiroŭcaŭ, jakich zatrymlivajuć padčas jakich-niebudź śviatočnych mierapryjemstvaŭ, praciahvaje raści. Prapanova adnosna pracy ŭ morhu ciapier razhladajecca ŭradam.
Pavodle infarmacyi vydańnia, Tajłand zajmaje pieršaje, samaje vysokaje ŭ Azii, i druhoje ŭ śviecie miesca pa pakazčykach śmiarotnaści na darohach. Bolš za 5% śmiarotnych vypadkaŭ prypadaje na darožna-transpartnyja zdareńni. Pry hetym kiravańnie mašynaj pad upłyvam ałkaholu stanovicca pryčynaj 26% DTZ z achviarami.
Kamientary