Улады Тайланда задумаліся пра тое, каб адпраўляць кіроўцаў, якіх злавілі п'янымі за рулём, на працу ў морг. Гэта павінна стаць часткай пакарання, якое прызначаецца ў выглядзе абавязковых грамадскіх работ.
Як паведамляе Lenta.ru са спасылкай на Mashable, ідэя заключаецца ў тым, каб такія кіроўцы ўсвядомілі, якімі могуць быць наступствы кіравання аўтамабілем у стане ап'янення.
У цяперашні час парушальнікаў прымушаюць, напрыклад, займацца рубкай дрэў або ўборкай вуліц. Некаторых накіроўваюць у бальніцы даглядаць за пацярпелымі ў ДТЗ.
Па словах прадстаўніка ўладаў, колькасць п'яных кіроўцаў, якіх затрымліваюць падчас якіх-небудзь святочных мерапрыемстваў, працягвае расці. Прапанова адносна працы ў моргу цяпер разглядаецца ўрадам.
Паводле інфармацыі выдання, Тайланд займае першае, самае высокае ў Азіі, і другое ў свеце месца па паказчыках смяротнасці на дарогах. Больш за 5% смяротных выпадкаў прыпадае на дарожна-транспартныя здарэнні. Пры гэтым кіраванне машынай пад уплывам алкаголю становіцца прычынай 26% ДТЗ з ахвярамі.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары