U siecivie źjaviłasia videa tajemnych vučeńniaŭ Nacyjanalnaj hvardyi Rasii, na imitujuć razhon «maskoŭskaha majdanu».
Videazapis apublikavany na sajcie fondu «Adkrytaja Rasija», zasnavanaha apazycyjaneram RF Michaiłam Chadarkoŭskim.
«Karespandent «Adkrytaj Rasii» staŭ niespadziavanym śviedkam navučalnych bajoŭ niedaloka ad Lubiercaŭ. Sotni amapaŭcaŭ, bajcoŭ unutranych vojskaŭ i supracoŭnikaŭ palicyi imitavali razhon «maskoŭskaha majdanu». Jak znoŭ stvoranaja Nachvardyja budzie zmahacca z masavymi pratestami?» — havorycca ŭ paviedamleńni.
Jak paviedamlałasia, 5 krasavika prezident Rasii Uładzimir Pucin abviaściŭ ab stvareńni ŭ RF Nacyjanalnaj hvardyi na bazie Unutranych vojskaŭ MUS.
«Rašeńnie pryniata, my stvarajem novy fiederalny orhan vykanaŭčaj ułady na bazie Unutranych vojskaŭ MUS, stvarajem Nacyjanalnuju hvardyju, jakaja budzie zajmacca baraćboj z teraryzmam, arhanizavanaj złačynnaściu…» — zajaviŭ prezident RF.
Pry hetym pres-sakratar Pucina Dźmitryj Piaskoŭ zajaviŭ, što stvareńnie Nachvardyi nie źviazana z vybarami.
Vajskoŭcam Nachvardyi budzie dazvolena ŭžyvać fizičnuju siłu, u tym liku bajavyja pryjomy baraćby, i śpiecyjalnyja srodki dla razhonu demanstracyj, a taksama ačaplać terytoryju.
Nacyjanalnaja hvardyja RF maje prava prymianiać ahniastrelnuju zbroju biez papiaredžańnia, kali pramarudžvańnie moža kaštavać žyćcia vajennasłužačamu ci kamu-niebudź z hramadzian pablizu. Taksama Nahcvardyja ŭ ekstrannych vypadkach, naprykład, dla adbićcia napadaŭ ci dla vyzvaleńnia zakładnikaŭ, moža vykarystoŭvać vadamioty i broniemašyny.
Pry praviadzieńni kontrterarystyčnaj apieracyi Nachvardyja RF zmoža abmiažoŭvać ruch transpartu i piešachodaŭ, adbirać i vykarystoŭvać aŭtamabili, zatrymlivać hramadzian, jakija parušyli praviły kamiendanckaj hadziny.
Nachvardyju ŭznačaliŭ były achoŭnik prezidenta RF. Kolkaść i dysłakacyju vojskaŭ nacyjanalnaj hvardyi vyznačaje sam Pucin.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary