Hviniejski zaliŭ staŭ samym niebiaśpiečnym miescam na Ziamli dla marapłaŭcaŭ z-za ŭzrosłaj aktyŭnaści pirataŭ i ŭžyvanaha imi hvałtu, śviedčyć dakład amierykanskaj arhanizacyi Oceans Beyond Piracy.
Jak havorycca ŭ dakładzie, raniej piraty pieravažna imknulisia zachoplivać naftavyja tankiery z-za ich hruzu, ale z padzieńniem cenaŭ na naftu jany pieraklučylisia na vykradańnie ludziej dziela vykupu.
Hviniejski zaliŭ Atłantyčnaha akijana abmyvaje takija krainy, jak Kot-dJIvuar, Hana, Toha, Bienin, Nihieryja i Kamierun.
Samalijskija piraty la ŭschodniaha bieraha Afryki, tym časam, užo nie ŭjaŭlajuć takoj pahrozy, jak raniej, dziakujučy mižnarodnaj apieracyi vajenna-marskich sił.
U 2015 hodzie samalijskija piraty nie zachapili nivodnaha kamiercyjnaha sudna.
Jak u kancy krasavika paviedamlała Mižnarodnaje marskoje biuro, z pačatku hoda la bierahoŭ Zachodniaj Afryki 44 marapłaŭcy stali achviarami vykradańniaŭ.
Pry hetym u cełym u śviecie ŭzrovień piractva źnižajecca: za pieršy kvartał 2016 hoda było zarehistravana 37 vypadkaŭ piractva i ŭzbrojenaha rabavańnia, tady jak u minułym hodzie za toj ža pieryjad adbylisia 54 takija incydenty.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary