Ci zabaroniać u Piciery bieł-čyrvona-biełyja ściahi? — siońnia startuje ČS pa chakiei
6 maja ŭ Maskvie i Sankt-Pieciarburhu pačynajecca 80-y čempijanat śvietu pa chakiei. Udzieł u turniry znoŭ voźmie zbornaja Biełarusi.
Naša kamanda budzie hulać u hrupie B, sustrečy projduć u spartyŭnym kompleksie «Jubilejny» (umiaščalnaść 7300 hledačoŭ). Zbornaja Biełarusi pad kiraŭnictvam kanadca Dejva Ljuisa sabrała amal usich najmacniejšych.
Nie zmoža dapamahčy kamandzie tolki Michaił Hraboŭski, kłub jakoha jašče zmahajecca za Kubak Stenli, a taksama Kanstancin Kalcoŭ.
Reuters.com
Naša kamanda zaniała druhoje miesca ŭ nieaficyjnym zaliku tak zvanaha «Jeŭratura», prapuściŭšy napierad tolki finaŭ. Dobra zarekamiendavaŭ siabie ŭ atacy Ściapanaŭ. Padciahnuŭsia z Amieryki Kiryła Hataviec, jaki znachodzicca za adzin krok ad traplańnia ŭ NCHŁ.
U składzie nacyjanalnaj kamandy buduć ažno try naturalizavanyja chakieisty z Kanady: bramnik Kievin Łałand, a taksama napadniki Džef Płat i Šarl Linhle.
Letaś na čempijanacie ŭ Čechii biełarusy byli siomymi. Ciapier Dejv Ljuis stavić zadaču trapić u paŭfinał turniru — raniej našyja nie dasiahali takich viaršyń.
Varta adznačyć: nie samy spryjalny kalandar skłaŭsia dla Biełarusi. Try pieršyja hulni našy praviaduć z favarytami: Finlandyjaj, ZŠA i Kanadaj. U vypadku troch paraz niaprosta budzie pieranieści ŭ psichałahičnym płanie.
Zaŭziatary zaŭsiody na suśvietnych čempijanatach padtrymlivajuć našu kamandu ź bieł-čyrvona-biełymi ściahami, tak było letaś u Ostravie i Prazie, tak było i raniej.
Možna być peŭnymi, što pryjeduć takija i ŭ Picier. Cikava, ci dazvolać biełarusam u Rasii vykarystoŭvać histaryčnyja simvały?
***
Raskład hulniaŭ
6 maja: Finlandyja — Biełaruś (pačatak a 20:15)
7 maja: Biełaruś — ZŠA (20:15)
9 maja: Biełaruś — Kanada (16:15)
11 maja: Słavaččyna — Biełaruś (16:15)
13 maja: Hiermanija — Biełaruś (20:15)
14 maja: Vienhryja — Biełaruś (16:15)
17 maja: Biełaruś — Francyja (16:15)
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary