Ministerstva enierhietyki raskazała padrabiaznaści incydentu na Astravieckaj AES
U Ministerstvie enierhietyki Biełarusi paviedamili, što pry budaŭnictvie BiełAES u Astraŭcy adbyłosia častkovaje paškodžańnie padtrymlivajučych kanstrukcyj apałubki adnaho z padsobnych pamiaškańniaŭ, a nie «apornaj kanstrukcyi budučaha budynka kantrolu jadziernaj biaśpieki». Pra heta havorycca ŭ zajavie viedamstva.
U Minenierha zaznačyli, što ŭ raźmieščanaj na sajcie belsat.eu infarmacyi, vierahodna, idzie havorka ab vypadku, što adbyŭsia 8 krasavika 2016 hoda, kali pry ŭkładcy bietonu adnaho ź pierakryćciaŭ bytavych i padsobnych pamiaškańniaŭ adbyłosia častkovaje paškodžańnie padtrymlivajučych kanstrukcyj apałubki.
«Dadzieny vypadak razhladajecca jak defiekt pry padrychtoŭčych pracach, nastupstvy jakoha byli likvidavany ŭ poŭnaj adpaviednaści ź dziejučymi pry budaŭnictvie rehłamientami i technałohijaj. Defiekt byŭ likvidavany, błok pierakryćcia padrychtavany da bietanavańnia i zdadzieny kamisii ŭ adpaviednaści z techničnymi patrabavańniami», — adznačyli ŭ viedamstvie.
U hetaj suviazi ŭ Minenierha asabliva padkreślili, što «paškodžańniaŭ i razbureńniaŭ kanstruktyvaŭ, pryniatych zakazčykam, na abjektach Biełaruskaj AES za ŭvieś čas budaŭnictva nie było».
U Minenierha taksama adznačyli, što dla zabieśpiačeńnia jakaści budaŭniča-mantažnych rabot na Biełaruskaj AES pastajanna ažyćciaŭlajecca budaŭničy kantrol, a taksama pastajanna viadziecca dziaržaŭny nahlad z boku nahladnych orhanaŭ — Dziaržbudnahladu Dziaržstandartu i Dziaržatamnahladu MNS.
Nahadajem, 5 maja ministerstva zamiežnych spraŭ Litvy vyklikała pasła Biełarusi i ŭručyła jamu notu datyčna mahčymaha incydentu na raźmieščanaj u 50 km ad Vilni Astravieckaj atamnaj elektrastancyi. Padstavaj dla hetaha stała infarmacyja telekanała «Biełsat». U materyjale telekanała paviedamlałasia, što rabočy z atamnaj stancyi ŭ Astraŭcy paviedamiŭ pra abvalvańnie bietonnaj kanstrukcyi ŭ siaredzinie krasavika «na placoŭcy pamiž dvuma reaktarami». Pradstaŭniki BiełAES nazvali heta paviedamleńnie «poŭnaj łuchtoj».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary