Ministr zamiežnych spraŭ Rasii Siarhiej Łaŭroŭ padčas rabočaha vizitu ŭ Biełaruś 15—16 maja sustreniecca z Alaksandram Łukašenkam, havorycca ŭ kamientaryi Departamienta infarmacyi i druku MZS Rasii.
Akramia taho, prahramaj znachodžańnia praduhledžany pieramovy ź ministram zamiežnych spraŭ Biełarusi Uładzimiram Makiejem, sustreča z palitołahami, pradstaŭnikami hramadskich arhanizacyj, vykładčykami i studentami Fakulteta mižnarodnych adnosin Biełaruskaha dziaržaŭnaha univiersiteta.
Pavodle infarmacyi MZS Rasii, kiraŭniki źniešniepalityčnych viedamstvaŭ razhledziać šyrokaje koła aktualnych pytańniaŭ rasijska-biełaruskaha supracoŭnictva, uklučajučy ŭzajemadziejańnie ŭ ramkach intehracyjnych farmataŭ, najpierš JEAES, SND, ADKB i ŠAS, pytańni padrychtoŭki sumiesnaha pasiadžeńnia kalehij MZS Rasii i Biełarusi, jakoje pa tradycyi pravodzicca u čaćviortym kvartale kožnaha hoda. Budzie zakranutaja tema ŭzhadnieńnia padychodaŭ i sumiesnaha adstojvańnia pryjarytetaŭ dźviuch krain na roznych mižnarodnych placoŭkach, pierš za ŭsio AAN i ABSIE.
Adbudziecca abmien dumkami pa asnoŭnych prablemach rehijanalnaj i mižnarodnaj biaśpieki.
Kamientary