Міністр замежных спраў Расіі Сяргей Лаўроў падчас рабочага візіту ў Беларусь 15—16 мая сустрэнецца з Аляксандрам Лукашэнкам, гаворыцца ў каментарыі Дэпартамента інфармацыі і друку МЗС Расіі.
Акрамя таго, праграмай знаходжання прадугледжаны перамовы з міністрам замежных спраў Беларусі Уладзімірам Макеем, сустрэча з палітолагамі, прадстаўнікамі грамадскіх арганізацый, выкладчыкамі і студэнтамі Факультэта міжнародных адносін Беларускага дзяржаўнага універсітэта.
Паводле інфармацыі МЗС Расіі, кіраўнікі знешнепалітычных ведамстваў разгледзяць шырокае кола актуальных пытанняў расійска-беларускага супрацоўніцтва, уключаючы ўзаемадзеянне ў рамках інтэграцыйных фарматаў, найперш ЕАЭС, СНД, АДКБ і ШАС, пытанні падрыхтоўкі сумеснага пасяджэння калегій МЗС Расіі і Беларусі, якое па традыцыі праводзіцца у чацвёртым квартале кожнага года. Будзе закранутая тэма ўзгаднення падыходаў і сумеснага адстойвання прыярытэтаў дзвюх краін на розных міжнародных пляцоўках, перш за ўсё ААН і АБСЕ.
Адбудзецца абмен думкамі па асноўных праблемах рэгіянальнай і міжнароднай бяспекі.
Каментары