U sasnovym bary, niedaloka ad vadajoma: jak budujuć novuju prezidenckuju balnicu ŭ Ždanovičach FOTY
Ukaz ab budaŭnictvie śpiecbalnicy dla čynoŭnikaŭ u pasiołku Ždanovičy pad Minskam prezident padpisaŭ jašče ŭ 2014 hodzie. Nahadajem, u kompleks budynkaŭ Kliničnaha miedycynskaha centra pierajeduć adździaleńni z centra stalicy — čatyry korpusy Respublikanskaha kliničnaha miedycynskaha centra Kiraŭnictva spravami prezidenta (u narodzie — lečkamisii), jakija ciapier raźmiaščajucca na vulicach Enhielsa i Čyrvonaarmiejskaj. Paśla pierajezdu balnicy ŭ Ždanovičy budynki ŭ centry piarojduć horadu.
Pahladzieć płan u poŭnym pamiery možna TUT.
Miarkujučy pa dakumientach, u novym miedcentry płanujecca stvaryć tyja ž adździaleńni, što i ŭ lečkamisii, i abstalavać jaho najnoŭšym abstalavańniem, jak lačebnym, tak i dyjahnastyčnym. Budzie ŭ novym miedcentry i ceły VIP-błok z asobnymi ŭvachodami, liftam. Da jaho prykładajecca svaja kuchnia, stałovaja, pakoi adpačynku, pakoi dla achovy i miedpiersanału. Aryjencirovačny košt abjekta, pavodle dakumientaŭ, — kala 100 miljonaŭ jeŭra.
Budujuć abjekt u davoli malaŭničym miescy — prosta ŭ sasnovym bary, niedaloka ad prezidenckaj rezidencyi «Drazdy». Da bieraha kanała Vilejska-Minskaj vodnaj sistemy ad budynka litaralna niekalki chvilin chady.
Ciapier na budaŭničaj placoŭcy bolš za dziasiatak budaŭničych budak, aktyŭna viaducca raboty. Terytoryja aharodžanaja płotam, za jaki nikoha nie puskajuć.
Pavodle pašparta, zdać abjekt pavinny da 31 śniežnia 2017 hoda.
— Viadoma, dabudujem da 17-ha, — koratka adkazvaje adzin z budaŭnikoŭ, jakija pracujuć na placoŭcy.
— Dy ładnaa, dzie vy čuli, kab u nas u termin budavali? — śmiajecca inšy.
— Heta ž prezidencki abjekt! Nie budziem paśpiavać, dyk pryjeduć i rastłumačać, jak paśpieć!
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca7
Kamientary