Parłamienckija vybary ŭ Biełarusi projduć biez «łomki palityčnaj sistemy, jakaja skłałasia», zajaviŭ Alaksandr Łukašenka 22 červienia na piatym Usiebiełaruskim narodnym schodzie.
«Kali chtości spadziajecca pachisnuć našu stabilnaść u pieryjad takoj važnaj palityčnaj kampanii, jak parłamienckija vybary, to hetyja sproby treba pakinuć u baku», — dadaŭ jon.
Kiraŭnik dziaržavy padkreśliŭ, što «najvažniejšaj umovaj dla raźvićcia ekanomiki źjaŭlajecca palityčnaja stabilnaść i spakoj u hramadstvie, zabieśpiačeńnie nieparušnaści miežaŭ i biaśpieki ludziej». «Mienavita hetamu zaklikanaja słužyć naša ŭnutranaja i źniešniaja palityka, — skazaŭ Łukašenka. — Adrazu chaču padkreślić: nijakaj łomki palityčnaj sistemy, jakaja skłałasia ŭ nas, nie budzie. Jak ja ŭžo nieadnarazova kazaŭ, limit revalucyj i katastrof narod vyčarpaŭ ŭ minułym stahodździ, a ciapier jon choča žyć u miry, dastatku, stvarajučy, toje, a nie rujnujučy svoj dabrabyt i dabrabyt svajoj maładoj i suvierennaj dziaržavy».
Jak minimum 14 čałaviek zatrymanyja za palityku ŭ rabočym pasiołku Jalizava2
Kamientary