Amierykanskaja piceryja «Papa Džons» u Biełarusi zaklikaje na Jeŭra zaŭzieć za «našych» – za zbornuju Rasii
Siońnia hramadski aktyvist Andrej Kim źviarnuŭ uvahu, što va ŭsich sacyjalnych sietkach biełaruskaha adździaleńnia amierykanskaj franšyzy «Papa Džons» staić prapanova padtrymlivać na Jeŭra «našych», heta značyć zbornuju Rasii.
Viadoma, što taki zaklik piceryi vyklikaŭ abureńnie karystalnikaŭ interneta. Jany zasypali akaŭnty aburalnymi kamientami. Maŭlaŭ, čamu heta zbornaja Rasii raptoŭna stała «našymi» ŭ Biełarusi? Čamu piceryja ličyć patrebnym samoj za zaŭziataraŭ vyrašać, chto mienavita «našy» na hetym Jeŭra. Bo ŭ adsutnaść zbornaj Biełarusi adny zaŭziejuć za Hiermaniju, inšyja – za Uels, trecija – za Francyju.
U rešcie rešt pradstaŭnikam «Papa Džons» daviałosia tłumačyć svaju pazicyju. «Vialiki dziakuj usim za kamientary i mierkavańni. Piceryja Papa John's źjaŭlajecca franšyzaj, mnohija akcyi prachodziać u ramkach suśvietnych padziej. I my nie možam sabie dazvolić nie ŭdzielničać. Zaŭziej za našych značyć zaŭziej za našych susiedziaŭ, kali b ŭdzielničała Biełaruś, zaŭzieli b za Biełaruś. My nie majem nijakaha dačynieńnia da palityki. Hetak ža, chočam papiaredzić, što nadalej takija kamientary buduć błakavacca», — tak adreahavała kampanija.
Kamientatary stali spraviadliva cikavicca, a čamu da «našych susiedziaŭ» tady nie adnieśli Polšču i Ukrainu, jakija taksama byli pradstaŭleny na Jeŭra-2016? «Franšyza kuplenaja ŭ Rasii, pra palityku razmovy nie budzie», — adkazali ŭ «Papa Džons». Vielmi dziŭna, što pytańnie, ci źjaŭlajucca Ukraina z Polščaj taksama susiedkami Biełarusi, zaličvajecca da palityki.
Pa ŭsim vyhladaje, što vybačacca za svaju «akcyju» pradstaŭniki «Papa Džons» nie majuć namieru i nie razumiejuć, što ž vyklikała takoje abureńnie karystalnikaŭ internetu.
Andrej Kim, jakoha pradstaŭniki «Papa Džons» zabanili ŭ svaich akaŭntach, zaklikaje stavić piceryi «Papa Džons» najmienšyja adznaki z mahčymych.
«Papa Džons» – amierykanskaja sietka hramadskaha charčavańnia, jakaja śpiecyjalizujecca na picy, zasnavanaja ŭ 1984 hodzie. Na 2015 hod mieła pradstaŭnictvy ŭ 35 krainach śvietu.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ5
Kamientary