Cana pytańnia — 500 tysiač dalaraŭ.
Arhiencina rychtujecca zapuścić prahramu hramadzianstva za inviestycyi.
Jak paviedamlaje Financial Times sa spasyłkaj na krynicy, «załatyja pašparty» mohuć uvieści ŭžo sioleta. Vydavać ich buduć u abmien na achviaravańnie ŭ 500 000 dalaraŭ abo kuplu bieskuponnych suvierennych ablihacyj prykładna na miljon dalaraŭ.
Arhiencina spadziajecca, što heta prahrama dapamoža vypłacić dziasiatki miljardaŭ dalaraŭ doŭhu, ź jakimi kraina sutykniecca ŭ bližejšyja hady. Kraina pakul nie viarnułasia na suśvietnyja rynki kapitału paśla restrukturyzacyi 2020 hoda i šukaje roznyja alternatyvy dla pryciahnieńnia dalaraŭ.
Zapusk prahramy adbyvajecca ŭ toj čas, kali rynkavy ŭrad Mileja sprabuje źmianić imidž krainy, dzie padatki na bahaćcie i ekanamičnaja niestabilnaść časta vymušali jaje ŭłasnuju elitu pierajazdžać za miažu. Adzin z najbahaciejšych ludziej krainy, miljarder u śfiery elektronnaj kamiercyi Markas Halpieryn, pierajechaŭ u Uruhvaj u 2020 hodzie.
U Arhiencinie žyvie 46 miljonaŭ čałaviek. Arhiencinski pašpart daje biaźvizavy ŭjezd prykładna ŭ 170 krain (ź biełaruskim biaźvizavy ŭjezd ci pa sproščanaj sistemie — u kala 70 krain).
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary