Stvareńnie ŭ Biełarusi rakietnaha ŭzbrajeńnia źjaŭlajecca faktaram strymlivańnia. Ab hetym Alaksandr Łukašenka zajaviŭ siońnia, vystupajučy na ŭračystym schodzie z nahody Dnia Niezaležnaści Biełarusi.
Kiraŭnik dziaržavy padkreśliŭ, što ŭ Biełarusi za karotki pramiežak času faktyčna stvaryli novuju halinu. «My nie tolki sabie vyrablajem hetu zbroju. Siońnia ŭžo niekatoryja dziaržavy ŭ čarzie stajać, kab my vyrabili i dla ich. Heta nie zabaronienaja zbroja, - skazaŭ Alaksandr Łukašenka. - Heta vielmi značny arhumient strymlivańnia. Taja kraina, jakaja maje rakietnuju vytvorčaść i svaju ŭłasnuju rakietu, naŭrad ci padvierhniecca napadu. Heta vielmi važny momant u zabieśpiačeńni biaśpieki i niezaležnaści našaj dziaržavy».
«My nikoha nie pałochajem. My - mirnaja kraina. My budziem rabić usio, kab byŭ mir nie tolki ŭ nas, ale i vakoł nas. My da hetaha imkniomsia. Ale porach suchim my vymušany trymać», - zajaviŭ jon.
Jon padkreśliŭ, što biełaruskaja armija dobra abučana i asnaščana najnoŭšym uzbrajeńniem. «Tolki za čas majho prezidenctva my trojčy pierabudoŭvali našy Uzbrojenyja Siły», - adznačyŭ biełaruski lidar.
Sposaby viadzieńnia vajny značna źmianilisia. «Frantoŭ, jak pry apieracyi «Bahracijon», nie budzie, - skazaŭ jon. - Vajna budzie zusim inšaj. My vyvučali hetyja vojny, pačynajučy ad Iraka i zakančvajučy sutyknieńniami va Ukrainie i Siryi».
Pavodle słoŭ kiraŭnika dziaržavy, biełaruskaja armija była zroblena mabilnaj, i siońnia akcent robicca mienavita na ruchomych vojskach i čaściach.
«Kab jany, jak džała pčały, niečakana źjaŭlalisia, dzie treba, nanosili ŭdar pa vorahu i nieadkładna źnikali. Samaloty i tanki niašmat vyrašajuć u sučasnaj vajnie», - adznačyŭ prezident.
Alaksandr Łukašenka padkreśliŭ, što ŭ ciapierašnich umovach dla taho, kab nanieści vorahu značny ŭron, patrebna novaja zbroja - rakietnaja. «I vy viedajecie - my jaje vynajšli. My nie robim z hetaha sakret. Stvaryli ŭsiaho za paŭtara hoda, nie majučy praktyčna nijakaj bazy i hrašovych srodkaŭ na heta», - dadaŭ kiraŭnik dziaržavy.
Łukašenka taksama raskazaŭ, što pieršapačatkova novaje biełaruskaje rakietnaje ŭzbrajeńnie było vyprabavana na palihonie ŭ pustynnaj miascovaści. «Tady ja vajennych pastroiŭ i skazaŭ: kali vy jaho vyprabujecie ŭ Biełarusi, na našych palihonach, tady ja budu ličyć, što zadača vykanana. Jany małajcy, - zajaviŭ jon.
— Vyvieli rakietu ŭ strataśfieru i za paŭtara mietra ad celi jaje apuścili. Značyć, umiejuć, mohuć»
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary