Taćciana Karatkievič nie ŭkazała svaju partyjnaść: ci mohuć jaje źniać za heta z vybaraŭ?
Lidarka kampanii «Havary praŭdu», eks-kandydatka na pasadu prezidenta Taćciana Karatkievič zarehistravała svaju inicyjatyŭnuju hrupu dla ŭdziełu ŭ parłamienckich vybarach. Karatkievič sprabuje bałatavacca pa Kastryčnickaj akruzie Minska.
Na sajcie CVK Taćciana Karatkievič paznačanaja jak biespartyjnaja, na heta źviarnuŭ uvahu siabra BSDP (Hramada), historyk Anatol Sidarevič. Jak viadoma, Karatkievič taksama doŭhi čas źjaŭlajecca siabram sacyjał-demakratyčnaj partyi.
U statucie BSDP napisana, što z partyi luby siabar moža być vyklučany, kali «aficyjna (u srodkach masavaj infarmacyi, u dakumientach) zajaviŭ ab svajoj biespartyjnaści i nieprynaležnaści da BSDP».
Taćciana Karatkievič abviarhaje svoj vychad z partyi. «Nie, ja nikudy nie vychodziła, zastajusia siabram BSDP», — prakamientavała jana dla «NN». Infarmacyju na sajcie CVK ab biespartyjnaści palityk razhladaje jak niejkuju pamyłku i abiacaje razabracca ŭ situacyi.
Ci mohuć źniać z vybaraŭ Taćcianu Karatkievič, kali ŭjavić, što jana sapraŭdy nie ŭkazała svaju partyjnuju prynaležnaść? Hetaje pytańnie my zadali načalnicy arhanizacyjna-pravavoha adździeła CVK Halinie Mkrtčan. Jana paćvierdziła, što partyjnuju prynaležnaść kandydat musić ukazvać u lubym vypadku, navat kali nie vyłučajecca ad partyi, a šlacham zboru podpisaŭ. Infarmacyja ab siabroŭstvie ŭ palityčnaj partyi pavinna abaviazkova być u infarmacyjnych materyjałach.
«Niapravilna padadzienyja bijahrafičnyja źviestki nie mohuć być padstavaj dla nierehistracyi kandydata», — zapeŭniła spadarynia Mkrtčian. Jana kaža, što takija normy dziejničali na vybarach 2000 i 2004 hadoŭ, adnak byli admienienyja.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary