Supracoŭniki palicyi prybyli ŭ dom 50-hadovaj žycharki Hiermanii pa vykliku susiedziaŭ, jakija skardzilisia na mocny šum. Žančyna ž paličyła, što heta stryptyziory, paviedamlaje Der Spiegel.
U niamieckim horadzie Biendorf miascovaja žycharka adznačała ź siabroŭkami svajo 50-hodździe, kali ŭ dźviery pazvanili dvoje palicejskich. Adnak ŭdzielnicy ŭračystaści sustreli haściej z zachapleńniem, vyrašyŭšy, što pryjechali stryptyziory, čyj vystup siabroŭki vyrašyli «padaryć» haspadyni. Razharačanyja ad ałkaholu žančyny pačali abdymacca i fatahrafavacca z supracoŭnikami palicyi, jakija nie zmahli pierakanać, što jany znachodziacca pry vykanańni.
Adnak paźniej žančyny zaŭvažyli pryparkavanuju pobač z domam patrulnuju mašynu.
Jak akazałasia, palicyju vyklikaŭ adzin z susiedziaŭ imianińnicy, pakolki jamu pieraškadžała zanadta hučnaja muzyka.
Paśla hetaha žančyna i jaje hości paprasili prabačeńnia pierad vartavymi paradku i zrabili muzyku cišej.
Heta nie pieršy vypadak, kali supracoŭnikaŭ palicyi prymajuć za tancoraŭ eratyčnaha žanru. Jak paviedamlała Bi-Bi-Si, u studzieni hetaha hoda brytanski palicejski Majk Obier trapiŭ u anałahičnuju niajomkuju situacyju, kali patrulavaŭ vulicy miastečka Bradford-on-Ejvan.
Jon ubačyŭ adčynienyja dźviery ŭ adnym z hramadskich kłubaŭ, jaki, jak praviła, byŭ začynieny pa vychadnych. Obier vyrašyŭ pravieryć, što adbyvajecca ŭ pamiaškańni. Adnak, jak tolki jon uvajšoŭ, na jaho nakinulisia žančyny va ŭzroście, pryniaŭšy jaho za stryptyziora, jakoha jany vyklikali.
Paśla taho, jak praŭda adkryłasia, žančyny, jakija śviatkavali 50-hodździe adnoj ź siabrovak, paprasili prabačeńnia, a ašałomleny palicejski syšoŭ.
Kamientary