Spačuvańni svajakam Šaramieta vykazali kiraŭniki mnohich krain, akramia Biełarusi
Spačuvańni rodnym i blizkim zabitaha ŭ Kijevie žurnalista Paŭła Šaramieta vykazali vyšejšyja asoby dziaržavaŭ, kiraŭniki źniešniepalityčnych viedamstvaŭ, mižnarodnyja arhanizacyi. Biełaruskaje kiraŭnictva ad lubych acenak taho, što adbyłosia, ustrymlivajecca.
Siarod tych, chto vykazaŭ słovy padtrymki i asudziŭ złačynnyja metady, prezydenty Ŭkrainy Piotar Parašenka i Hruzii Hieorhi Marhviełašvili, kiraŭnica eŭrapiejskaj dyplamatyi Federyka Mahieryni, ministar zamiežnych spraŭ Estonii Maryna Kaljurand, MZS Litvy, ambasada Ŭkrainy ŭ Biełarusi, ambasada ZŠA ŭ Biełarusi, pradstaŭnictva Eŭraźviazu ŭ Biełarusi, bajcy pałka «Azoŭ», biełaruskija praŭładnaja i niezaležnaja žurnalisckija supolnaści, šerah ukrainskich ŚMI.
Z boku Rasiei spačuvańnie abmiežavałasia kiraŭnikom presavaj słužby prezydenta Dźmitryja Piaskova: «Šaramiet byŭ hramadzianinam Rasiei», — na ŭsialaki vypadak udakładniŭ Piaskoŭ.
Nivodzin z adkaznych čynoŭnikaŭ Biełarusi pakul nia vykazaŭ svajho staŭleńnia da trahiedyi.
Maŭčyć i Alaksandar Łukašenka, i jahonaja presavaja sakratarka Natalla Ejsmant. Ale źviazacca ź joj pa telefonie nie ŭdałosia.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary