Ukraina damoviłasia z karparacyjaj Westinghouse ab budaŭnictvie zavoda jadziernaha paliva va Ukrainie, paviedamiŭ ministr enierhietyki krainy Ihar Nasalik.
«My damovilisia ab dyviersifikacyi pastavak paliva amal na pałovu atamnych błokaŭ, ab budaŭnictvie zavoda jadziernaha paliva na terytoryi Ukrainy», — paviedamiŭ Nasalik na pres-kanfierencyi ŭ Kijevie i dadaŭ, što damoŭlenaści dasiahnutyja padčas jaho niadaŭniaha vizitu ŭ ZŠA.
Na ŭdakładniajučaje pytańnie ministr adkazaŭ, što Westinghouse hatovaja pryniać udzieł u prajekcie budaŭnictva zavoda jadziernaha paliva va Ukrainie.
«18 žniŭnia ja laču ŭ Kazachstan, dzie taksama adno z pytańniaŭ, što jany chočuć dabudoŭvać zavod jadziernaha paliva va Ukrainie. Heta značyć, u nas jość dźvie krynicy (pastavak paliva). Kali jość dvoje, tady ŭžo našmat lepš pracavać», — dadaŭ Nasalik.
Nahadajem, u kancy kastryčnika 2015 hoda Ukraina admoviłasia praciahvać z Rasijaj sumiesny prajekt pa ŭźviadzieńni zavoda pa vytvorčaści jadziernaha paliva ŭ Kiravahradskaj vobłaści.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary