Žycharka Davyd-Haradka Stolinskaha rajona nie viarnułasia dadomu z rybałki napiaredadni svajho 76-hodździa, paviedamili ŭ Bresckim abłasnym saviecie Tavarystva ratavańnia na vadzie.
Cieła piensijanierki było znojdziena ŭ race Haryń 4 žniŭnia. U hety dzień joj pavinna było spoŭnicca 76 hadoŭ. Sa słoŭ susiedziaŭ, žančyna zachaplałasia rybnaj łoŭlaj. Napiaredadni čarhovaha dnia naradžeńnia jana adpraviłasia z vudami da raki, mahčyma z metaj pryhatavać zatym śviatočnuju viačeru. Pakul nieviadoma, što stała pryčynaj jaje hibieli.
Usiaho achviarami vady na minułym tydni ŭ Bresckaj vobłaści stali čatyry čałavieki. Tak, u race Cna pablizu vioski Baraŭcy Łuninieckaha rajona znojdziena cieła 50-hadovaha miascovaha žychara, jaki, jak bačyli susiedzi, napiaredadni vypivaŭ na bierazie. U Breście ŭ karjery, zabaronienym dla kupańnia, patanuŭ 45-hadovy žychar abłasnoha centra.
Jašče adzin trahičny vypadak na vadzie adbyŭsia ŭ Kamianieckim rajonie. U vioscy Kunachovičy pry ŭstaloŭcy bujkoŭ dla prykormu ryby na miascovym vadajomie patanuŭ 32-hadovy žychar Bresta. Usio adbyłosia praktyčna na vačach u siamji i siabroŭ, jakija adpačyvali na bierazie. Raspaviadajuć, što hłybinia tutejšaha vadajoma nie pieravyšaje 1,5 m, adnak bieraściejec nie ŭmieŭ płavać. Chutčej za ŭsio, jon spatyknuŭsia i zachłynuŭsia vadoj.
«Nie varta hrebavać mierami biaśpieki pry znachodžańni na vadajomach. Niedapuščalna kupacca ŭ nieŭstanoŭlenych i zabaronienych miescach, asabliva ŭ niećviarozym vyhladzie. Amataram rybnaj łoŭli, navat kali jany vudziać ź bieraha, varta pakłapacicca ab ratavalnych kamizelkach», — padkreślili ratavalniki.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary