Siońnia ŭ Rya — paŭfinał u Samsonava i baskietbolny matč Biełaruś — Turcyja
11 žniŭnia na Hulniach u Rya-de-Žaniejra budzie razyhrana 19 kamplektaŭ miedaloŭ.
U spabornictvach pa nastolnym tenisie Uładzimir Samsonaŭ, dla jakoha ciapierašnija Hulni ŭžo šostyja (i samyja paśpiachovyja) u karjery, praviadzie paŭfinalny pajadynak. Sapiernikam budzie dvuchrazovy (u asabistym i kamandnym turnirach) załaty miedalist Alimpijady-2012 Czykie Čžan. Pačatak matča ŭ 18.00.
Na viaślarnym kanale «Łahuna», dzie ŭčora z-za niepahadzi ŭžo druhi raz na hetych Hulniach byli adkładzienyja spabornictvy pa akademičnym viesłavańni, projduć paŭfinalnyja zajezdy. Mužčynskaja čaćviorka raspašnaja (Vadzim Lalin, Dzianis Mihal, Ihar Paševič, Mikałaj Šarłap) pazmahajecca za vychad u finał u adnym zajeździe z ekipažami z Francyi, Kanady, Vialikabrytanii, Hiermanii i Hałandyi. Dla vychadu ŭ miedalny raŭnd treba trapić u lik troch lepšych łodak. Pačatak zajezdu - u 15.30.
Biełaruskija baskietbalistki praviaduć pieradapošni pajadynak hrupavoj stadyi suprać kamandy Turcyi, jaki stanie klučavym u baraćbie za pucioŭku ŭ płej-of. Pačatak matča ŭ 18.15 pa minskim časie.
U kvalifikacyjnych startach u płavańni na 100 m baterflajem vystupiać čempijon Jeŭropy 2014 hoda Jaŭhien Curkin i Pavieł Sankovič. U Sankoviča zapłyŭ zapłanavany na 20.25, u Curkina - na 20.31. Kali biełarusy prabjucca ŭ paŭfinał, to praciahnuć baraćbu ŭžo ranicaj 12 žniŭnia pa minskim časie - u 5.34 i 5.42.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary