U vybarčaj kampanii praciahvajuć udzielničać 504 kandydaty

U kampanii pa vybarach u parłamient praciahvajuć udzielničać 504 kandydaty ŭ deputaty, paviedamiła žurnalistam staršynia Centrvybarkama Lidzija Jarmošyna 23 žniŭnia ŭ Minsku paśla pasiadžeńnia CVK. «Byŭ 521 kandydat, 21 źniaŭsia. Pry hetym adnaho adnaviła vybarčaja kamisija, troch — sud», — skazała Jarmošyna.

Siońnia na pasiadžeńni Centralnaj kamisii była zasłuchanaja infarmacyja pradstaŭnikoŭ terytaryjalnych vybarčych kamisij, jakija paviedamili pra vyniki razhladu skarhaŭ na admovy ŭ rehistracyi kandydatam u deputaty.

U pryvatnaści akruhovyja kamisii ŭ Bresckaj vobłaści pryniali rašeńnie ab troch admovach u rehistracyi pretendentaŭ na miescy ŭ parłamiencie. Dva ź ich biezvynikova byli abskardžanyja ŭ abłasnoj kamisii. Jašče dva kandydaty źnialisia z vybaraŭ. Na hety momant u Bresckaj vobłaści ŭ vybarach udzielničajuć 72 kandydaty ŭ deputaty.

U Viciebskaj vobłaści — 21 admova ŭ rehistracyi kandydatam u deputaty. Siem pretendentaŭ abskardzili hetaje rašeńnie. Pakul usio abskardžańni byli biezvynikovymi, jašče adna skarha siońnia razhladajecca ŭ sudzie. Na hety momant u rehijonie 65 kandydataŭ u deputaty.

U Homielskaj vobłaści — šeść admoŭ u rehistracyi kandydatam u deputaty. Adzin kandydat abskardziŭ admovu, ale biezvynikova, jašče siem źnialisia z vybaraŭ. U vyniku na hety momant u vybarach udzielničajuć 67 kandydataŭ.

U Hrodzienskaj vobłaści akruhovyja kamisii admovili ŭ rehistracyi 15 pretendentam. Dzieviać ź ich abskardzili hetaje rašeńnie, try skarhi razhledžanyja sudom stanoŭča. Na siońnia ŭ rehijonie zarehistravanyja 57 kandydataŭ.

U Minskaj vobłaści 19 pretendentam admovili ŭ rehistracyi, šeść čałaviek abskardzili hetaje rašeńnie, ale biezvynikova. Jašče piać kandydataŭ źnialisia z vybaraŭ. Na siońniašni dzień u vybarach praciahvaje ŭdzielničać 61 čałaviek.

U Mahiloŭskaj vobłaści — 15 admoŭ u rehistracyi kandydatam u deputaty. U piaci vypadkach admovy abskardžvalisia, adna skarha zadavolenaja. Dva kandydaty źnialisia z vybaraŭ. Zaraz u rehijonie zarehistravanyja 68 kandydataŭ u deputaty.

U Minsku akruhovyja kamisii admovili ŭ rehistracyi kandydatam u deputaty 13 pretendentam. Hetyja rašeńni byli abskardžanyja ŭ čatyroch vypadkach, ale biezvynikova. Try čałavieki źnialisia z vybaraŭ. Praciahvajuć udzielničać u vybarčaj kampanii 114 kandydataŭ.

• 0
• 0
• 0
• 0
• 0
• 0