Ministr abarony Litvy, sacyjał-demakrat Juozas Alekas z-za skandału z «załatymi videlcami» pavinien pakinuć pasadu, kab nie kampramietavać ni Minabarony, ni samu dziaržavu, a taksama sacyjał-demakratyčnuju partyju, zajaviła prezident krainy Dala Hrybaŭskajcie.
«Takaja situacyja kampramietuje palityčnyja namahańni našaj krainy pa abaronie dziaržavy, vydzialeńnie pavyšanaha finansavańnia (abaronie), kampramietuje našy rašeńni ŭ vačach ludziej, i tamu palityčnuju adkaznaść pavinien uziać na siabie sam ministr, kab nie kampramietavać ni sistemu abarony, ni dziaržavu, ni sacyjał-demakratyčnuju partyju», — zajaviła ŭ aŭtorak žurnalistam u siejmie prezident Litvy.
«Ja źviartajusia jak da ministra, tak i da kiraŭnictva sacyjał-demakratyčnaj partyi — uziać na siabie palityčnuju adkaznaść značyć pierastać hańbić dziaržavu i sistemu abarony, heta značyć, što ministr nie moža pracavać, i bolš za toje chłusić i tłumačyć, što źviarnuŭsia ŭ prakuraturu. z nahody nazvy, a nie z nahody cany», — dadała prezident.
U svaju čarhu premjer-ministr i lidar sacyjał-demakrataŭ Alhirdas Butkiavičus zaviŭ, što daviaraje ministru abarony i zaklikaje prezidenta Dalu Hrybaŭskajcie nie zajmacca palitykanstvam u pieradvybarčy pieryjad.
***
U minuły aŭtorak uźnik ažyjataž, kali Słužba publičnych zakupak paviedamiła, što armijaj pa canie, što ŭ vosiem razoŭ pieravyšaje rynkavuju, byli nabytyja kuchonnyja prynaležnaści. Ministr abarony Ju. Alekas zapeŭniŭ, što pry ŭźniknieńni sumnieńniaŭ nakont cany ministerstva źviarnułasia ŭ Hienprakuraturu z prośbaj pačać rasśledavańnie ab machlarstvie, ale prakurory spačatku pačali rasśledavańnie, a potym jaho zakryli.
-
U Hiermanii mužčyn pryzyŭnoha ŭzrostu abaviazali ŭzhadniać z Bundeśvieram praciahły vyjezd za miažu
-
Śpikier armianskaha parłamienta: Armienija moža vyjści z ADKB i JEAES, kali Maskva budzie iści na abvastreńnie
-
U Niepale hornyja pravadniki pravakavali «hornuju chvarobu» ŭ turystaŭ, kab na hetym uzbahačacca
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary