Dziasiatki tysiač čałaviek vyjšli ŭ subotu, 24 vieraśnia, na vulicy Varšavy na akcyju pratestu suprać poŭnaj zabarony abortaŭ i abmiežavańnia paŭnamoctvaŭ Kanstytucyjnaha suda.
Pavodle dadzienych haradskoj administracyi, kolkaść mitynhoŭcaŭ, jakija dałučylisia da akcyi «Jedna Polska — dość podziałów!» (Adzinaja Polšča — chopić padzialać nas), skłała ad 25 da 30 tys. čałaviek.
Arhanizataram vystupiŭ apazicyjny ruch «Kamitet abarony demakratyi» (Komitetu Obrony Demokracji) pry padtrymcy fieministyčnaj inicyjatyvy, Partyi zialonych i arhanizacyi «Dziewuchy Dziewuchom» (Dzieŭki dzieŭkam), paviedamlaje newsweek.pl.
Jak zajaviŭ adzin z najbolš aktyŭnych dziejačaŭ apazicyi, dysident i žurnalist, hałoŭny redaktar «Gazeta Wyborcza» Adam Michnik, Kamitet abarony demakratyi nie imkniecca da źviaržeńnia ŭrada, a ŭsiaho tolki damahajecca, kab urad «pavažaŭ zakon i kanstytucyju». «Tym nie mienš, kali ŭrad Jarasłava Kačyńskaha nie budzie pavažać kanstytucyju, abaviazkam hramadstva źjaŭlajecca adchileńnie ŭrada ad ułady», — skazaŭ Adam Michnik.
Adnačasova ŭ Varšavie adbyvaŭsia marš prafsajuzaŭ miedycynskich rabotnikaŭ.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary