Raśsielhasnahlad uvioŭ abmiežavańni pa pastaŭkach ź siami pradpryjemstvaŭ Biełarusi ŭ suviazi z «hrubymi parušeńniami zakanadaŭstva JeŭrAzES». Pra heta paviedamiła pres-sakratar viedamstva Julija Miełana, piša ria.ru.
«U suviazi z nazvanymi parušeńniami Raśsielhasnahlad z 10 kastryčnika 2016 hoda ŭvodzić časovyja abmiežavańni na pastaŭki ŭ Rasijskuju Fiederacyju pradukcyi pradpryjemstvaŭ: AAT «Słucki syrarobny kambinat» Salihorski filijał; «Smarhonskija małočnyja pradukty» filijał AAT «Lidski małočna-kansiervavy kambinat»; Ivacevickaje RAJST, filijał Kaapnarychtpram (jałavičyna); UP «Biarozaŭski kambinat kaapieratyŭnaj pramysłovaści» (jałavičyna); Drybinski RAJST; TAA «BiłtanhFud»; TAA «HurmanFud», — havorycca ŭ paviedamleńni viedamstva.
Akramia hetaha, Raśsielhasnahlad papiaredziŭ Departamient vieterynarnaha i charčovaha kantrolu Ministerstva sielskaj haspadarki i charčovaha kantrolu Biełarusi ab mahčymym abmiežavańni pastavak padkantrolnaj pradukcyi, u vypadku vyjaŭleńnia parušeńniaŭ pry dalejšych pastaŭkach nastupnych pradpryjemstvaŭ: TAA «Viales-Mit», AAT «Hłybocki małočna-kansiervavy kambinat», PUP «BIEŁ-MOŁ» i AAT «Biarozaŭski miasakansiervavy kambinat», vytvorčy cech Baranavičy.
Tak na TAA «Viales-Mit» 13 vieraśnia 2016 hoda była vyjaŭlenaja Listeriamonocytogenes ŭ jałavičynie astudžanaj, na Hłybockim małočna-kansiervavym kambinacie 29 vieraśnia vyjaŭlenaja nieadpaviednaść tłusta-kisłotnamu składu małaka zhuščanaha z cukram roznaj tłustaści. U hety ž dzień u chodzie pravierki PUP «BIEŁ-MOŁ» vyjaŭlenaja nieadpaviednaść efiraŭ tłustych kisłot ŭ maśle śmietankovym. Na «Biarozaŭskim miasakansiervavym kambinacie» (vytvorčy cech Baranavičy) 27 vieraśnia vyjaŭlenaja nieadpaviednaść zajaŭlenamu składu varanych kaŭbasnych vyrabaŭ.
Nahadajem, raniej upraŭleńnie Raśsielhasnahladu pa Branskaj i Smalenskaj abłaściach 7 kastryčnika paviedamiła ab uviadzieńni pracedury abaviazkovaha nadhladu transpartnych srodkaŭ biełaruskich pradpryjemstvaŭ i handlova-raźmierkavalnych składoŭ, da pastavak jakich raniej byli «surjoznyja narakańni».
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary