Ryełtar Haraščenia, jaki nazvaŭ Baradulina «nacysckaj svałatoj», byŭ u centry bujnoha karupcyjnaha skandału
Źjaŭlajucca novyja padrabiaznaści bijahrafii dyrektara ahienctva «Akadem-nieruchomaść» Alaksandra Haraščeni, jaki ŭ svaim fejsbuku nazvaŭ narodnaha paeta Biełarusi Ryhora Baradulina «nacyskaj svałatoj». Akazvajecca, zusim niadaŭna Haraščenia byŭ zamiešany ŭ vielmi hučnuju kryminalnuju spravu.
Jon prachodziŭ u jakaści śviedki ŭ pracesie dźviuch čynoŭnic ź Ministerstva justycyi, jakija trapili na łavu padsudnych za chabar. Na toj čas Haraščenia pracavaŭ u ryełtarskaj firmie «Kvadratny mietr». Dyrektaram kampanii źjaŭlaŭsia Ihar Miarkułaŭ.
Haraščenia źviarnuŭsia da svajho načalnika z prośbaj dapamahčy ŭ tym, kab jaho žonka Volha Haraščenia atrymała licenziju ryełtara. Miarkułaŭ paabiacaŭ zładzić heta praz načalnika ŭpraŭleńnia advakatury i licenzijavańnia Miniusta Halinu Hryškaviec. Čynoŭnica adkazała, što cana pytańnia 1 tysiača dalaraŭ.
«Muž i žonka apieratyŭna sabrali patrebnuju sumu i praz dyrektara ahienctva pieradali hrošy čynoŭnicy. Jana, u svaju čarhu, dała ekzamienacyjny test z varyjantami adkazaŭ. Tekst razdrukoŭvała namieśnik načalnika ŭpraŭleńnia Natalla Bierazoŭskaja, jakaja ciapier prachodzić pa spravie druhoj abvinavačvanaj», — pisali padčas pracesu naviny.by.
U vyniku suda Halina Hryškaviec była asudžanaja na 8 hadoŭ źniavoleńnia, a Natalla Bierazoŭskaja — na 4.
Volha Haraščenia ciapier značycca jak «atestavany ryełtar» na sajcie ahienctva «Akadem-nieruchomaść».
Sam Alaksandr Haraščenia pisaŭ krychu pra hetuju spravu ŭ sacyjalnych sietkach.
«Niekalki hadoŭ nazad daviałosia mnie prachodzić śviedkam pa adnoj kryminalnaj spravie. Sprava była ab chabarach. Vioŭ spravu małady hebešny śledčy, pierapoŭnieny kazionnaj pryjaznaści. Heta byŭ čałaviek, jaki znachodzicca na svaim miescy», — piša Haraščenia.
«Jon vieryŭ va ŭsio, u što patrebna vieryć sapraŭdnym cimuraŭcam: vieryŭ u zakon; jak u Baharodzicu vieryŭ u karupcyju; vieryŭ u baraćbu ź joj, u nieabchodnaść takoj baraćby i ŭ kančatkovuju pieramohu Dabra i Spraviadlivaści; vieryŭ u toje, što voś zaraz ździajśniajecca pravasudździe. Biessensoŭna było b tłumačyć jamu, što baraćba z karupcyjaj — čaściej za ŭsio tolki praktyka zapałochvańnia (albo sposab źvieści rachunki, albo mahčymaść dla kahości prasunucca pa karjernaj leśvicy, albo elemient pijaru, fanfarona spravazdačnaści), jakaja nie maje ničoha ahulnaha z pravasudździem», — adznačyŭ Haraščenia.
Jak bačna z dopisu, karupcyju jak źjavu ryełtar nie sprabuje navat asudžać.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary