Biełaruski paradak: inśpiektar DAI ŭ Minsku prymusiŭ kiroŭcu padniać vykinuty z mašyny niedakurak VIDEA
Incydent adbyŭsia na skryžavańni vulicy Daraševiča i praśpiekta Niezaležnaści dniom 28 kastryčnika. Zapis z rehistratara, na jakim vidać, jak supracoŭnik DAI nie pakinuŭ biez uvahi fakt vykidańnia z akna aŭtamabila niedakurka, raźmiaściŭ na servisie YouTube karystalnik Andrew Tretyak.
— Kuryć škodna, asabliva kidać aby-dzie, — koratka prakamientavaŭ videa aŭtar.
Nahadajem, zhodna z častkaj 1 artykuła 18.9 KoAP Biełarusi, za vykidańnie śmiećcia ci inšych pradmietaŭ z transpartnaha srodku praduhledžany štraf ad 1 da 2 bazavych vieličyń (ad 21 da 42 rubloŭ).
Kamientary