Pamiatajecie kaciania, jakoje prajechała 10 km u Hrodnie ŭ matory aŭto? Jano znajšło haspadyniu
U aŭtaservisie na praśpiekcie Kasmanaŭtaŭ chacieli adramantavać aŭtamabil, a znajšli kaciania. Jano prybyło tudy ŭ matornym adsieku Citroen, jaki pryjechaŭ ź mikrarajona Alšanka, nahadvaje historyju Hrodna.life.
Supracoŭniki aŭtaservisu advieźli kaciania da vieterynara, jaki pryznačyŭ niekalki ŭkołaŭ dla voka. Pakul supracoŭniki aŭtaservisu lačyli jaho, pra kaciania napisała ledź nie ŭsia Biełaruś. Miedyjny achop zrabiŭ svaju spravu.
«U čaćvier nam patelefanavała haradzienka Volha i skazała — ja chutka budu, čakajcie! Nie paśpieli my apamiatacca, jak Volha pryjechała pa kaciania na taksi. Jana pryznałasia, što hatavała na kuchni i hartała Instagram, dzie daviedałasia pra historyju hetaha puchnataha kamiačka. Volha skazała, što spyniła hatavańnie i pamčałasia da nas», — raspaviadajuć supracoŭniki AAT «Hrodnaaŭtaservis».
Žančyna pryznałasia, što lubić katoŭ i što ŭ jaje doma ŭžo jość adzin kot, ale starejšy.
«My ŭračysta pieradali Volzie kaciania i z radaściu advieźli jaje dadomu, pa darozie zajechaŭšy ŭ zaakramu pa ŭsio nieabchodnaje. My dziakujem Volzie za spahadlivaść i vielmi rady, što kaciania ciapier budzie ŭ dobrych ludziej», — dadali ŭ aŭtaservisie.
«Kali ty nie ŭ hetym śpisie, to budzieš u druhim». Jak u Biełarusi źbirajuć podpisy za Łukašenku13
Kamientary