U siryjskim horadzie Alepa 4 listapada abjaŭlajecca 10-hadzinnaja humanitarnaja paŭza, paviedamiŭ načalnik hienštaba ŭzbrojenych sił Rasiei Valery Hierasimaŭ, piša Bi-bi-si.
Pa słovach Hierasimava, paŭza abjaŭlena pa daručeńni Uładzimira Pucina i praciahniecca z 9:00 da 19:00. Rašeńnie ŭzhodniena ź siryjskim kiraŭnictvam.
Padčas spynieńnia bajavych dziejańniaŭ rasijskija vajskoŭcy prapanujuć bajevikam pakinuć Alepa.
«Dla hetaha adkryty dva kalidory, ad jakich buduć adviedzieny ŭsie ŭradavyja vojski i technika», — skazaŭ Hierasimaŭ.
Jašče šeść kalidoraŭ dziejničajuć dla vychadu z horada mirnych žycharoŭ i dla evakuacyi paranienych, skazaŭ jon
Hierasimaŭ taksama adznačyŭ, što ŭsie sproby bajevikoŭ vyrvacca z Alepa nie ŭviančalisia pośpiecham, i jany panieśli vialikija straty.
Rasieja prypyniła svaju pavietranuju kampaniju ŭ Alepa 18 kastryčnika kab zabiaśpiečyć evakuacyju paranienych i chvorych ludziej, ale tolki niešmatlikija ź ich adhuknulisia na zaklik syści.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja64
Kamientary