У сірыйскім горадзе Алепа 4 лістапада аб'яўляецца 10-гадзінная гуманітарная паўза, паведаміў начальнік генштаба ўзброеных сіл Расеі Валеры Герасімаў, піша Бі-бі-сі.
Па словах Герасімава, паўза аб'яўлена па даручэнні Уладзіміра Пуціна і працягнецца з 9:00 да 19:00. Рашэнне ўзгоднена з сірыйскім кіраўніцтвам.
Падчас спынення баявых дзеянняў расійскія вайскоўцы прапануюць баевікам пакінуць Алепа.
«Для гэтага адкрыты два калідоры, ад якіх будуць адведзены ўсе ўрадавыя войскі і тэхніка», — сказаў Герасімаў.
Яшчэ шэсць калідораў дзейнічаюць для выхаду з горада мірных жыхароў і для эвакуацыі параненых, сказаў ён
Герасімаў таксама адзначыў, што ўсе спробы баевікоў вырвацца з Алепа не ўвянчаліся поспехам, і яны панеслі вялікія страты.
Расея прыпыніла сваю паветраную кампанію ў Алепа 18 кастрычніка каб забяспечыць эвакуацыю параненых і хворых людзей, але толькі нешматлікія з іх адгукнуліся на заклік сысці.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары