8 listapada kala 4.00 u zakinutym kałodziežy kamianieckija milicyjanty vyjavili 32-hadovaha miascovaha žychara i jaho sabaku Hieru, jakija pajšli z domu na palavańnie i nie viarnulisia. Palaŭničy, jaki trapiŭ u biadu, raspavioŭ TUT.BY, jak jon dziesiać hadziny pravioŭ u bietonnaj śvidravinie ŭ kampanii nadziejnaha čaćvieranohaha siabra.
Zaraz 32-hadovy palaŭničy Dźmitryj znachodzicca ŭ chirurhičnym adździaleńni rajonnaj balnicy. Adčuvaje siabie dobra. Paśla incydentu adzinaj skarhaj na zdaroŭje była vysokaja tempieratura.
Pa słovach mužčyny, 7 listapada kala 17.00 jon vyjšaŭ z domu, kab papalavać na kačku. Z saboj uziaŭ nadziejnuju čatyrochnohuju siabroŭku Hieru parody dratchaar.
— Kala 18.00 ja pravaliŭsia ŭ kałodziež. Zaŭvažyć jaho było składana. Kałodziež byŭ zakinuty, na ŭzroŭni ziamli, — tłumačyć Źmicier.
Pavodle jaho słoŭ, hłybinia studni — prykładna piać mietraŭ, a vady ŭ im było krychu nižej za pojasa. Sabaka zastaŭsia naviersie — biehaŭ vakoł kałodzieža, brachaŭ i vyŭ.
Z vady tyrčała bierviano, adzin kaniec jakoha ŭpiraŭsia ŭ dno, a druhi - u ścienku. Na jaho i zalez zmokły palaŭničy.
— Sprabavaŭ niekalki razoŭ vybracca — upiraŭsia nahami i śpinaj u ścienku, na mietry 2—2,5 uzdymaŭsia, ale saślizhvaŭ. Patelefanavać nie moh — telefon nie łaviŭ.
Hiera ŭvieś hety čas nie adychodziła ad kałodzieža, a kala 2.00 sama sihanuła da haspadara. Źmicier adznačaje, što sabaka zahartavany — padčas palavańnia nie raz kidaŭsia ŭ chałodnuju vadu. Tak i čakali dapamohi. Niepadaloku ad kałodzieža zastałasia jaho mašyna. Heta i nadavała nadziei, što ich usio ž taki znojduć.
— Što rabiŭ u studni? Ružžo pastaviŭ i dramaŭ, — śmiajecca Źmicier.
Palaŭničy čakaŭ, što jaho pošukami zojmucca z ranicy, kali budzie śvietła, ale supracoŭniki Kamianieckaha RAUS prystupili da vyšuku adrazu, jak tolki da ich ad svajakoŭ Źmitra pastupili zajavy ab jaho źniknieńni.
Kamientary