«U nas praktyčna niama palityčnych roznahałośsiaŭ, u nas adziny pohlad na mižnarodny paradak dnia», — zajaviŭ Alaksandr Łukašenka na sustrečy z prezidentam Turcyi Redžepam Taipam Erdahanam 11 listapada ŭ Minsku, paviedamlaje BiełaPAN.
Łukašenka zaznačyŭ, što, choć jany z Erdahanam znajomyja ŭžo bolš za 10 hadoŭ, heta pieršy vizit prezidenta Turcyi ŭ Biełaruś. «Niahledziačy na hetaje žorstkaje nadvorje, mnie zdajecca, Biełaruś vam spadabajecca», — skazaŭ jon.
Pavodle słoŭ biełaruskaha aficyjnaha lidara, u Biełarusi i Turcyi skłalisia dobryja palityčnyja i dypłamatyčnyja adnosiny. «Handlova-ekanamičnyja adnosiny troški adstajuć ad našych asabistych i miždziaržaŭnych adnosin, ale navat u hetaj častcy ŭ nas dynamika stanoŭčaja i isnuje dobry prahres», — dadaŭ jon.
Łukašenka taksama adznačyŭ, što ŭdzieł u biełaruska-tureckim biźnies-forumie, jaki kiraŭniki Biełarusi i Turcyi adkryjuć siońnia ŭ druhoj pałovie dnia, voźmuć kala 200 tureckich i bolš za 300 biełaruskich pradstaŭnikoŭ biźniesu. «Heta, mabyć, samy bujny forum pa kolkaści kampanij u historyi niezaležnaj Biełarusi, — skazaŭ jon. — Upeŭnieny, što ŭ vyniku vašaha vizitu my zdolnyja padniacca na jašče adnu prystupku ŭ raźvićci našych adnosin».
Biełaruska-tureckaja siabroŭstva i adnosiny «prajšli vyprabavańni časam», padkreśliŭ Łukašenka. «Vy možacie być upeŭnienyja ŭ nadziejnaści našych adnosin. My zaŭsiody budziem nadziejnyja dla Turcyi. I naša palityka zaŭsiody budzie adpaviadać tamu kursu, jaki vy pravodzicie nie pieršy hod», — zapeŭniŭ kiraŭnik dziaržavy.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary