Ekśpierty sprabujuć patłumačyć zahadkavuju adstaŭku «pa stanie zdaroŭja» byłoha pieršaha namieśnika ministra ŭnutranych spraŭ, a ciapier deputata Valancina Michnieviča.
Ctvaralnik analityčnaha centra Belarus Security Blog Andrej Parotnikaŭ miarkuje, što sychod u adstaŭku pa stanie zdaroŭja byŭ patrebny dla atrymańnia bolšaj piensii.
«Na samaj spravie niama nijakaj zahadki. Michnievič — hienierał-major, u jaho vysłuhi 27 hadoŭ (pry 20 nieabchodnych dla prava na piensiju) i jamu 50 hadoŭ. Limitavy ŭzrost znachodžańnia na słužbie dla hienierał-majora — 55 hadoŭ. Zvalnieńnie pa stanie zdaroŭja pry najaŭnaści vysłuhi, dastatkovaj dla pryznačeńnia piensii, hetuju samuju piensiju i zabiaśpiečvaje. Heta značycca, zvolnisia Michnievič u suviazi ź pierachodam na vybarnuju pasadu — piensiju b pačaŭ atrymlivać praz 5 hadoŭ. … A tak sychodzić pa zdaroŭi z hienieralskaj piensijaj u maksimalnym pamiery 75% ad akładu hrašovaha ŭtrymańnia plus deputackaja zarpłata», — adznačyŭ Parotnikaŭ.
Hrodzienski žurnalist Andžej Pačobut źviarnuŭ uvahu na stan zdaroŭja byłoha siłavika.
Pa jaho infarmacyi, jašče padčas pracy na pasadzie načalnika hrodzienskaj milicyi ŭ Michnieviča zdaryŭsia insult. Pryčym heta zdaryłasia ŭžo paśla padpisańnia ŭkaza ab jaho pieravodzie ŭ Minsk. Tamu daktaram daviałosia stavić siłavika na nohi.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary