MUS Biełarusi raspracavała i pieradało ŭ Pałatu pradstaŭnikoŭ papraŭki ŭ zakanadaŭstva, jakija «dazvolać zaścierahčy naviedvalnikaŭ fizkulturna-spartyŭnych zbudavańniaŭ i śpiecyjalna abstalavanych miescaŭ dla zaŭziataraŭ ad patencyjnych pravaparušalnikaŭ». Tekst zakonaprajekta jość u rasparadžeńni partała TUT.BY.
Dla zaŭziataraŭ-chulihanaŭ budzie ŭviedzieny novy vid pakarańnia — «administracyjnaja zabarona na naviedvańnie fizkulturna-spartyŭnych zbudavańniaŭ i śpiecyjalna abstalavanych miescaŭ dla zaŭziataraŭ pry praviadzieńni spartyŭna-masavych mierapryjemstvaŭ, spartyŭnych spabornictvaŭ». Zabarona moža być raspaŭsiudžana na termin ad troch miesiacaŭ da troch hadoŭ.
Parušeńnie zabarony na naviedvańnie spartyŭnych mierapryjemstvaŭ budzie karacca štrafam u pamiery ad 2 da 20 bazavych vieličyń (ad 42 da 420 rubloŭ) albo administracyjnym aryštam.
Akramia taho, usie fanaty, jakim budzie zabaronieny ŭvachod na matčy i inšyja spartyŭnyja mierapryjemstvy, buduć uniesieny ŭ śpiecyjalnuju bazu. Jana budzie raźmieščana na sajcie MUS u volnym dostupie - ź jaje dadzienymi zmohuć aznajomicca nie tolki pravaachoŭniki i zaŭziatary, ale i, naprykład, baćki abo pracadaŭcy fanataŭ.
Nahadajem, u mai hetaha hoda Ministerstva ŭnutranych spraŭ vyniesła na hramadskaje abmierkavańnie prajekt papravak u zakanadaŭstva.
Ideju ab administracyjnym zabaronie na naviedvańnie spartyŭnych mierapryjemstvaŭ nie padtrymali 49% čałaviek. Za zabaronu vystupili 39%, a 11% vykazali mierkavańnie, što varta «pakinuć isnujučy paradak».
Kamientary