Biełaruś i Rasija praciahvajuć pieramovy pa pierahladzie taryfaŭ na tranzit nafty. Pra heta paviedamiŭ staršynia kancerna «Biełnaftachim» Ihar Lašenka.
Pavodle jaho słoŭ, heta pytańnie razhladałasia 27 śniežnia ŭ čas rabočaj sustrečy biełaruskaj delehacyi z pradstaŭnikami Fiederalnaj antymanapolnaj słužby Rasii. «Učora ŭ nas prajšli rabočyja sustrečy pa pierahladzie taryfaŭ na prapampoŭku nafty, - raspavioŭ Ihar Lašenka. - Biełaruski bok vyłučyŭ dovady ab tym, što našy taryfy na prapampoŭku — adny z samych nizkich z usich udzielnikaŭ hetaha tranzitu. My vystavili svaje abhruntavańni i chočam pavialičyć taryf na 20,5%. Rasijski bok pakul zaniaŭ pazicyju ab tym, što heta pavyšeńnie pavinna być u rajonie 5,5%».
Praca pa hetym pytańni praciahvajecca, padkreśliŭ Ihar Lašenka. «Čakajem prapanoŭ ad rasijskaha boku. Našy prapanovy im pieradadzienyja», - dadaŭ jon.
Na dumku Ihara Lašenki, taryfy buduć uzhodnieny ŭ chutkim časie. «Rašeńnie dumaju, užo chutka budzie», — skazaŭ staršynia kancerna «Biełnaftachim».
Nahadajem, 28 śniežnia pradstaŭnik Fiederalnaj antymanapolnaj słužby Rasii zajaviŭ, što taryf na transparciroŭku nafty z Rasii dla biełaruskaj «Homieltransnafta Družba» budzie pavyšany na 7,7% u 2017 hodzie zamiest raniej zapytanych 20,5% i prapanavanych «Tranśniefćju» 5,8%. Niekalki dzion tamu «Połacktransnafta Družba» pahadziłasia z prapanovaj «Tranśniefci pavialičyć taryf na transparciroŭku nafty z Rasii na 11,76% u 2017 hodzie.
Biełaruś prapanoŭvała pavysić taryfy na tranzit rasijskaj nafty pa svajoj terytoryi na 20,5% na fonie pałajučaha naftahazavaha kanfliktu pamiž krainami. «Tranśniefć» paličyła ekanamična abhruntavanym rost taryfaŭ pa dvuch vietkach najbujniejšaha mahistralnaha naftapravoda «Družba», jaki prachodzić pa terytoryi Biełarusi, praz Homiel - na 5,8%, praz Połack - na 11,76%.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary