U dekret ab darmajedach unieśli źmieny. Kaho vyzvalili ad vypłaty padatku
U Biełarusi ŭnieśli źmieny ŭ našumieły dekret ab darmajedstvie. Alaksandr Łukašenka siońnia padpisaŭ dekret № 1, jakim unosiacca źmieny ŭ dekret «Ab praduchileńni sacyjalnaha ŭtrymanstva, paviedamlaje pres-słužba prezidenta.
U dekrecie ŭdakładnili śpis tych, chto nie pavinien płacić padatak za niaŭdzieł u finansavańni dziaržaŭnych vydatkaŭ.
Da darmajedaŭ nie buduć adnosić tych, chto značycca ŭ śpisačnym składzie nacyjanalnaj abo zbornaj kamandy Biełarusi pa vidach sportu. Tym, chto prachodzić alternatyŭnuju słužbu, taksama nie pryjdziecca płacić padatak za niaŭdzieł u finansavańni dziaržaŭnych vydatkaŭ.
Biespracoŭnych, jakija stajać na ŭliku ŭ centry zaniataści abo prachodziać navučańnie pa nakiravańni orhana pa pracy, zaniatasci i sacyjalnaj abaronie, nie buduć adnosić da darmajedaŭ tolki «pry adsutnaści ustanoŭlenych faktaŭ parušeńnia imi abaviazkaŭ u halinie zaniataści nasielnictva».
Baćki, jakija vychoŭvajuć dziaciej da 7 hadoŭ, nie buduć płacić padatak na darmajedstva tolki ŭ tym vypadku, kali dzicia va ŭzroście ad 3 da 7 hadoŭ nie atrymlivaje daškolnuju adukacyju.
Miascovyja vykanaŭčyja abo rasparadčyja orhany mohuć vyzvalać ad vypłaty zboru tych, chto znachodzicca ŭ ciažkaj žyćciovaj situacyi.
Akramia taho, pieranieśli krajni termin nakiravańnia padatkavikami paviedamleńnia na vypłatu padatku na 20 studzienia hetaha hoda (raniej - 1 listapada minułaha hoda). Termin vypłaty zboru pieranieśli na 20 lutaha 2017 hoda (raniej - da 1 śniežnia minułaha hoda).
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary