У дэкрэт аб дармаедах унеслі змены. Каго вызвалілі ад выплаты падатку
У Беларусі ўнеслі змены ў нашумелы дэкрэт аб дармаедстве. Аляксандр Лукашэнка сёння падпісаў дэкрэт № 1, якім уносяцца змены ў дэкрэт «Аб прадухіленні сацыяльнага ўтрыманства, паведамляе прэс-служба прэзідэнта.
У дэкрэце ўдакладнілі спіс тых, хто не павінен плаціць падатак за няўдзел у фінансаванні дзяржаўных выдаткаў.
Да дармаедаў не будуць адносіць тых, хто значыцца ў спісачным складзе нацыянальнай або зборнай каманды Беларусі па відах спорту. Тым, хто праходзіць альтэрнатыўную службу, таксама не прыйдзецца плаціць падатак за няўдзел у фінансаванні дзяржаўных выдаткаў.
Беспрацоўных, якія стаяць на ўліку ў цэнтры занятасці або праходзяць навучанне па накіраванні органа па працы, занятасцi i сацыяльнай абароне, не будуць адносіць да дармаедаў толькі «пры адсутнасці устаноўленых фактаў парушэння імі абавязкаў у галіне занятасці насельніцтва».
Бацькі, якія выхоўваюць дзяцей да 7 гадоў, не будуць плаціць падатак на дармаедства толькі ў тым выпадку, калі дзіця ва ўзросце ад 3 да 7 гадоў не атрымлівае дашкольную адукацыю.
Мясцовыя выканаўчыя або распарадчыя органы могуць вызваляць ад выплаты збору тых, хто знаходзіцца ў цяжкай жыццёвай сітуацыі.
Акрамя таго, перанеслі крайні тэрмін накіравання падаткавікамі паведамлення на выплату падатку на 20 студзеня гэтага года (раней - 1 лістапада мінулага года). Тэрмін выплаты збору перанеслі на 20 лютага 2017 года (раней - да 1 снежня мінулага года).
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна10
Каментары