Zvolnieny za pjanaje kiravańnie vice-mer Homiela ciapier pracuje ŭ abłasnym UKBie
Jak paviedamlaje partał TUT.BY, zvolnieny za pjanaje kiravańnie namieśnik staršyni Homielskaha harvykankama Pavieł Paŭłaŭ ciapier na novaj pasadzie — taksama namieśnika, ale ŭžo hienieralnaha dyrektara pa kamiercyjnym budaŭnictvie Homielskaha abłasnoha UKB (Upraŭleńnia kapitalnaha budaŭnictva). Infarmacyja pra novaha namieśnika źjaviłasia na sajcie pradpryjemstva ŭ raździele «Kiraŭnictva».
Nahadajem, samaj ranicaj 20 listapada Paŭłaŭ byŭ zatrymany supracoŭnikami DAI za kiravańnie aŭtamabilem u niećviarozym stanie. Byŭ składzieny pratakoł pa č. 1 art. 18.16 «Upraŭleńnie transpartam u stanie ałkaholnaha apjanieńnia».
Praz paru dzion sam čynoŭnik tak prakamientavaŭ situacyju: «Usio pavinna być u ramkach zakona dla ŭsich, tamu heta pravilna. Zakon dla ŭsich adzin. Da jaho ŭ mianie nijakich pretenzij, jak i da supracoŭnikaŭ milicyi. Što budu rabić dalej? Nie vyrašyŭ pakul, dumaju».
Kamientary