Karotkačasovaje pachaładańnie čakajecca ŭ Biełarusi na hetym tydni, paviedamiŭ BiełTA načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
«Na hetym tydni Biełaruś čakaje rezkaje karotkačasovaje pachaładańnie. Nadvorje pradoŭžyć prajaŭlać źmienlivy charaktar: ad adlihi da marazoŭ i nazad», - raskazaŭ sinoptyk.
U aŭtorak, 24 studzienia, nadvorje budzie ciopłym, pachmurnym i vietranym. Umovy nadvorja budzie vyznačać vilhotnaja niaŭstojlivaja pavietranaja masa i małaaktyŭnyja atmaśfiernyja franty. U asobnych rajonach krainy čakajucca nievialikija apadki (u asnoŭnym mokry śnieh), tuman, słaby hałalod, na darohach hałalodzica. Tempieratura ŭnačy składzie ad nula da minus 6 hradusaŭ, udzień - ad minus 2 da plus 3.
Dalej prahnazujecca rezkaje panižeńnie tempieratury.
U sieradu, 25 studzienia, čakajecca prychod arktyčnaha pavietra, cisk pačnie raści, a tempieratura - padać. Na praciahu sutak jana składzie minus 3-9 hradusaŭ, pa paŭnočna-ŭschodniaj častcy krainy - 10-12 hradusaŭ marozu, u paŭdniova-zachodnich rajonach - ad nula da minus 2. Nočču na bolšaj častcy terytoryi, dniom pa poŭdni ŭ asobnych rajonach čakajecca karotkačasovy śnieh, unačy pa ŭschodzie krainy - słabaja miacielica. Na asobnych učastkach daroh mahčyma hałalodzica.
U čaćvier, 26 studzienia, nočču marazy ŭzmocniacca: tempieratura składzie minus 10-17, pry prajaśnieńniach - 18-22 hradusy marozu. Dniom - 3-10 hradusaŭ nižej za nul, u krajnich paŭnočnych rajonach - ad nula da minus 2. Budzie pieravažna biez apadkaŭ, tolki ŭdzień pa paŭnočnaj častcy krainy čakajecca karotkačasovy śnieh. Na asobnych učastkach daroh mahčyma hałalodzica.
«Da vychodnych čakajecca pastupovaje padzieńnie cisku i pavolny rost tempieratury», - adznačyŭ Dźmitryj Rabaŭ.
U piatnicu ŭ asobnych rajonach respubliki prahnazujecca karotkačasovy śnieh, udzień słaby tuman i hałalod, na asobnych učastkach daroh hałalodzica. Tempieratura ŭnačy składzie minus 3-10 hradusaŭ, pa paŭdniovym uschodzie pry prajaśnieńniach - 11-17 hradusaŭ marozu. Udzień - ad nula da minus 6.
U vychodnyja dni ŭ asobnych rajonach Biełarusi čakajecca nievialiki mokry śnieh, słaby tuman, hałalod, na darohach hałalodzica. Tempieratura ŭnačy składzie 2-9 hradusaŭ marozu, pry prajaśnieńniach - da minus 12. Udzień - ad minus 5 da plus 2 hradusaŭ.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary