U dačynieńni da 67-hadovaj žančyny raspačata kryminalnaja sprava za słužbovuju padrobku, atrymańnie chabaru i pryniaćcie niezakonnaha ŭznaharodžańnia. Abłasnoj prakuraturaj sprava nakiravanaja ŭ rajonny sud.
Da taho momantu, kali doktara zatrymali supracoŭniki milicyi, jana vydała piać fiktyŭnych listkoŭ niepracazdolnaści. Za spryjalnaje vyrašeńnie pytańnia žančyna brała nievialikija sumy — ad 8 da 20 rubloŭ. Chtości navat raspłaciŭsia ź piensijanierkaj, što praciahvaje pracu, sielhaspradukcyjaj - čatyrma kiłahramami bulby, kiłahramam morkvy i kapusty.
- Hramadzianie, jakim doktar vypisvała balničnyja, — žychary Naroŭli. Padstaŭ dla ich vydačy ŭ jaje nie było. Usie byli pracazdolnyja, ale kamuści pa roznych pryčynach treba było adsutničać na pracy. Zatrymanaja svaje dziejańni patłumačyła dušeŭnaj dabrynioj, što takim čynam jana dapamahała pacyjentam. Svaju vinu jana nie pryznaje, - raspavioŭ TUT.BY namieśnik načalnika adździeła pa baraćbie z karupcyjaj i arhanizavanaj złačynnaściu Homielskaj abłasnoj prakuratury Siamion Fiadorčanka.
Za ŭsio žančyna atrymała 85 rubloŭ. Ciapier doktaru-nieŭrołahu pahražaje da 10 hadoŭ pazbaŭleńnia voli z kanfiskacyjaj majomaści.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kamientary