Masavyja pratesty ŭ Maładziečnie: ułady adkazali chapunom lidaraŭ apazicyi ANŁAJN
Akcyja ŭ Maładziečnie stała testam, ci zadavoliła ludziej prypynieńnie dekreta, ci jany nastrojenyja pratestavać dalej. Repartaž adtul viała karespandentka «NN» Nastaśsia Roŭda.
Na «marš niedarmajedaŭ» u Maładziečnie sabrałasia da 1000 čałaviek. Akcyja stała testam, ci zadavoliła ludziej prypynieńnie dekreta №3. Udzielniki akcyi zapatrabavali poŭnaj admieny dekreta.
«Naša Niva» — bastyjon biełaruščyny
PADTRYMAĆDa ludziej na płoščy vyjšaŭ staršynia rajvykankama Jachnaviec, jaki prapanavaŭ delehavać svaich pradstaŭnikoŭ u budynak vykankama.
Ludzi ŭ adkaz zapatrabavali, kab vyklučyŭ hukaŭzmacnialniki, praź jakija išło papiaredžańnie MNS pra pažary.
Jachnaviec u vyniku syšoŭ. Ludzi pačali kryčać «Hańba», a zatym prajšli šeściem pa vulicy Prytyckaha da budynka padatkovaj inśpiekcyi, dzie na dźviarach prykleili rezalucyju z patrabavańniem admianić dekret. «Nam treba daterminova pravieści vybary! A kab pravieści česnyja vybary, treba pamianiać Centrvybarkam, Jarmošynu», — skazaŭ karespandentam adzin z udzielnikaŭ šeścia, pradprymalnik Alaksandr.
Pa acenkach pravaabaroncaŭ, u mitynhu na płoščy ŭziali ŭdzieł 500 čałaviek, u šeści — da 1000 čałaviek.
Ludzi skandavali «Žyvie Biełaruś!» i «Uładu — narodu!».
Nikoli raniej u Maładziečnie nie prachodziła takich masavych akcyj pratestu.
Napiaredadni na płoščy pastavili aharodžy, ale siońnia ich źniali.
Siońnia dniom na płoščy mianiali plitku
U lutym-sakaviku anałahičnyja akcyi prakacilisia pa haradach Biełarusi.
Napiaredadni Łukašenka, faktyčna, prypyniŭ dziejańnie dekreta №3 na hod. Hramadskija dziejačy zajavili, što patrabujuć poŭnaj admieny dekreta. Akcyja ŭ Maładziečnie moža pakazać, ci zadavoliła ludziej prypynieńnie dekreta ci jany nastrojenyja pratestavać dalej.
U Maładziečnie dazvołu na mitynh nichto nie prasiŭ, akcyja projdzie ŭ formie narodnaha schodu.
U subotu anałahičnaja akcyja pavinna prajści ŭ Pinsku (12:00), u niadzielu — u Babrujsku, Oršy i Rahačovie. 15 sakavika zapłanavany Marš niedarmajedaŭ u Minsku. Minharvykankam daŭ dazvoł na šeście, ale adpraviŭ pa zvykłym maršrucie ad Akademii navuk da Banhałor. Arhanizatary zajavili, što buduć prymać rašeńnie niepasredna na miescy.
Kamientary