Alaksandr Łukašenka padpisaŭ ukaz ab vydańni knihi pra 25 hadoŭ niezaležnaści
Alaksandr Łukašenka padpisaŭ ukaz ab vydańni knihi (№ 72 ad 9 sakavika). Navukova-papularnaje vydańnie budzie mieć nazvu «Respublika Biełaruś — 25 hadoŭ stvareńnia i ździajśnieńniaŭ».
U dakumiencie, jaki źmieščany na Nacyjanalnym pravavym internet-partale, adznačajecca, što ŭ knizie musić być adlustravanyja «vyniki stanaŭleńnia krainy za 25 hadoŭ suvierennaha raźvićcia, miru, stabilnaści i pravaparadku, jakija dajuć cełasnaje ŭjaŭleńnie ab dynamicy dziaržaŭnaha budaŭnictva».
«Respublika Biełaruś — 25 hadoŭ stvareńnia i ździajśnieńniaŭ» musić vyjści z druku ŭ 2018 hodzie. Padrychtoŭkaj knihi zojmiecca Nacyjanalnaja akademija navuk, buduć sfarmavanyja aŭtarskija kalektyvy. Finansavańnie musić zabiaśpiečyć Saŭmin. «Pry farmavańni vydańnia ŭličyć asablivuju rolu hramadzianskaj supolnaści, moładzi ŭ pieraadoleńni ciažkaściaŭ, jakija stajać na šlachu raźvićcia krainy», — adznačajecca va ŭkazie kiraŭnika dziaržavy.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje9
Kamientary