MUS: «Prablemnych» futbolnych fanataŭ u krainie 130 čałaviek, im zabaroniać uvachod na stadyjony
Padčas pasiedžańnia Pałaty pradstaŭnikoŭ 19 krasavika, aproč inšaha, abmiarkoŭvalisia źmieny ŭ zakanadaŭstva «pa niekatorych pytańniach achovy hramadskaj biaśpieki padčas praviadzieńnia spabornictvaŭ».
Słova mieŭ namieśnik ministra ŭnutranych spraŭ Mikałaj Mielčanka.
Jon zrabiŭ akcent na toje, što futbolnyja fanaty prynosiać orhanam MUS šmat kłopatu, i mierkavanyja źmieny, u pieršuju čarhu, skiravanyja na ich.
Mielčanka pryhadaŭ sutyknieńni polskich i rasijskich balelščykaŭ, «padziei ŭ Francyi», taksama prajšoŭsia pa biełaruskich fanatach krajnie pravych pohladaŭ.
«Dastupnaść infarmacyi i adkrytać miežaŭ dazvalaje našym fanataŭ zaśviacicca nie tolki za miažoj, ale i doma. Aproč chulihanstva, nie redkija vypadki pravakacyj. Pamiatajem my i fota Rudolfa Hiesa, jakoje vynieśli na trybunu fanaty «Dynama» (Minsk), simvoliku ź ličbami, jakija majuć zakamuflavany sens (havorka pra 88 i 1488 — Red.). Takasama niekatoryja balelščyki zaśviacilisia ź pieśniaj «Vmiestie viesieło šahať po bołotam, s pulemiotom», — skazaŭ Mielčanka.
Dla prafiłaktyki takich zdareńniaŭ milicyja prapanuje ŭvieści «novyja miery indyvidualnaj adkaznaści».
Kankretna — havorka pra abmiežavańnie asobnym ludziam prava naviedvańnia spartovych mierapriemstvaŭ.
«Kaniečnie, bolšy ŭchił tut na futbolnych fanataŭ. Ahułam u krainie ich kala troch tysiač čałaviek, prablemnych, «hora-balelščykaŭ», jak my ich nazyvajem — 130», — skazaŭ namieśnik ministra.
Zabarona na naviedvańnie matčaŭ budzie vynosicca sudom na termin ad troch miesiacaŭ da troch hadoŭ.
Nahodaj moža stać vykarystańnie nacysckaj simvoliki, drobnaje chulihanstva, hvałtoŭnyja dziejańni, niepadparadkavańnie supracoŭnikam milicyi.
Pałata pradstaŭnikoŭ prajekt zakona ŭchvaliła.
Identyfikavać tvary «hora-balelščykaŭ» płanujecca paśla stvareńnia admysłovych bazaŭ źniešnaści — praces, pavodle namieśnika ministra, budzie aŭtamatyzavanym.
Zakup techniki laža na ŭłaśnikaŭ stadyjonaŭ, heta značycca, pieravažna na miascovyja biudžety
Taksama ŭ prajekcie raspracoŭki znachodzicca «karta balelščyka».
Ciapier čytajuć
«Łukašenka taki: Nazarbajeŭ kaža, što treba sychodzić, a ja nie baču pierajemnikaŭ». Siemčanka — pra sustreču z Łukašenkam letam 2020‑ha10
Kamientary