Školnyja navučalnyja prahramy ŭ Biełarusi płanujecca abnavić da 1 vieraśnia. Pra heta zajaviŭ ministr adukacyi Ihar Karpienka siońnia na naradzie ab pavyšeńni jakaści navučalnych prahram i navučalnych dapamožnikaŭ dla ŭstanoŭ ahulnaj siaredniaj adukacyi, pieradaje BIEŁTA.
Ministr źviarnuŭ uvahu, što rabota nad prahramami i padručnikami — sistemny praces. «Ciapier my starajemsia paskoryć hety praces, vyznačajem, jakija dadatkovyja resursy — arhanizacyjnyja, finansavyja, navukova-piedahahičnyja — treba padklučyć, kab zrabić hetu rabotu bolš intensiŭnaj i efiektyŭnaj», — skazaŭ Ihar Karpienka.
Pavodle jaho słoŭ, razam z prahramami adkarekciravany buduć i školnyja padručniki. «Padručniki nie pavinny być pierahružany, ale razam z tym i nie pavinny być praźmierna sproščany, — ličyć ministr. — Usio ž taki viedy raźvivajucca, źjaŭlajecca šmat novaj infarmacyi, treba pravilna vybrać nieabchodnaje».
Razam z tym Ihar Karpienka adznačyŭ važnuju rolu nastaŭnika i jaho ŭmieńnie karystacca materyjałami, prapisanymi ŭ prahramach i padručnikach. «Heta pytańnie padrychtoŭki piedahahičnych kadraŭ. My siońnia vybudavali łancužok dziejańniaŭ, jaki daje mahčymaść prychodzić u sistemu piedahahičnaj adukacyi matyvavanaj moładzi. Hetamu sadziejničajuć peŭnyja navacyi pry pastupleńni ŭ piedahahičnyja VNU. Takaja sistema daść mahčymaść nam vyjści na novy mietadyčny ŭzrovień vykładańnia ŭ ahulnaj siaredniaj škole», — upeŭnieny ministr.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami1
Kamientary